Fetva nr. 271

Pyetje:
Shejh i nderuar!
Një grua nga Sebe’ (një qytet në Jemen) i është afruar mosha e pleqërisë, njihet për devotshmëri e dëshiron të kryej Haxhin e Islamit (për here të parë), por nuk ka mundësi të gjej mahrem (shoqërues legjitim).
Dhe ndërkohë, paraqitet një burrë i ndershëm nga vendi i saj i cili dëshiron ta kryejë Haxhin së bashku me disa femra nga të afërmet e tij (familjes).
A i lejohet kësaj gruaje të shkojë në Haxh me këta persona sepse ka mundësi materiale ta bëjë këtë?
Na jepni një përgjigje, Allahu ju begatoftë!

Përgjigje:

Jo. Kësaj gruaje nuk i lejohet shkuarja në Haxh përpos se me mahrem, edhe nëse është e shoqëruar me disa gra e burrë besnik, sepse i Dërguari i Allahut,- salallahu alejhi ve selem!,- ka thënë:
“Gruaja udhëton vetëm me atë që është shoqërues legjitim i saj (mahrem)”.
Një burrë u ngrit dhe i tha:
‘’O i Dërguar i Allahut, gruaja ime është nisur për të kryer Haxhin, ndërsa unë jam regjistruar për të luftuar (Xhihad)’’.
I Dërguari i Allahut i tha:
‘’Nisu dhe kryaje Haxhin me gruan tënde”.
Pra, Muhamedi,- salallahu alejhi ve selem!,- nuk e pyeti atë nëse gruaja e tij ishte e sigurtë (me mahrem) apo nëse e shoqërojnë gra dhe burra besnik, edhe pse situata e kërkonte një gjë të tillë.
Edhe pse bashkëshorti i saj ishte thirrur për Xhihad, megjithatë Muhamedi,- salallahu alejhi ve selem!,- e urdhëroi ta linte luftën dhe ti bashkangjitet gruas së tij për të kryer Haxhin.
Madje, disa dijetarë kanë cekur se gruaja e cila nuk posedon mahrem bjen prej saj obligueshmëria e kryerjes së Haxhit.
Edhe në qoftë se gruaja vdes, nuk shkohet për të në Haxhë nga pasuria e saj e lënë si trashigimi, sepse Allahu e ka bërë obligim Haxhin për atë që ka mundësi ta kryejë atë.
Allahu është më i Dituri!

Shejh Muhamed bin Salih el Uthejmini,- Allahu e mëshiroftë!
Nga arabishtja: Suad B. Shabani