1. Martoje personin e përshtatshëm, ai 90% do të jetë sebepi i lumturisë apo i pikëllimit tënd.
2. Punoje profesionin që e do dhe që e meriton ta harxhosh rininë tënde për hir të tij.
3. Le të jetë synimi yt i parë në jetë përkujdesja për familjen dhe në lumturimin e tyre.
4. Dhuroju shokëve dhe të afërmve të tu më shumë sesa që presin nga ti.
5. Mos e ndëshko veten, falja vetes dhe tjetrit gabimet e së kaluarës.
6. Për çdo ditë bëja një vepër të mirë atij që nuk e njeh dhe kërko kënaqësi në dhënie, para se të kërkosh në marrje.
7. Nëse detyrohesh të zgjedhësh mes urisë dhe borxhit, zgjedhe urinë.
8. Që të mos jesh i uritur apo të kesh nevojë për dikë, ruaje një pjesë të të hyrave të tua, sado që të jetë ajo.
9. Largohu nga shokët e tu që janë dështakë dhe kapu për ata të suksesshmit dhe për ata që nuk hezitojnë fare të të ndihmojnë.
10. Sillu me çdo njeri sikurse të ishte shoku që nuk e ke parë me vite.
11. Kur pranon të punosh një punë, bëhu i drejtë dhe i ndershëm në kryerjen e saj.
12. Bëhu shpikës dhe merr iniciativa për punë.
13. Bëhu trim dhe vetë barte përgjegjësinë e gabimeve të tua.
14. Dallohu nga të tjerët me optimizëm e produktivitet dhe filloje ditën tënde me një faqe të re.
15. Bëhu i butë dhe besnik me ata që punojnë me ty.
16. Lumturia nuk ndërlidhet me pasuri apo me pozitë, po me mënyrën se si e shikon jetën në të.
17. Mos i anashkalo mendimet e njerëzve për ty, sepse ka mangësi që ti nuk i sheh te vetja.
18. Shiko gjithmonë lart në kulm dhe bëhu sikurse milingona, e cila hip dhe bie disa herë. derisa të arrijë në kulm.
19. Dhe e fundit, mos vepro diçka që nëna jote nuk mundet të krenohet me të apo babai yt të ndihet i nënçmuar!
Nga arabishtja: Irfan JAHIU
