{"id":7804,"date":"2025-09-08T21:37:50","date_gmt":"2025-09-08T21:37:50","guid":{"rendered":"https:\/\/shkollaislame.com\/?p=7804"},"modified":"2025-09-08T21:37:50","modified_gmt":"2025-09-08T21:37:50","slug":"gruaja-familja-dhe-ekuilibri-i-rende-5","status":"publish","type":"post","link":"https:\/\/shkollaislame.com\/?p=7804","title":{"rendered":"GRUAJA, FAMILJA DHE EKUILIBRI I R\u00cbND\u00cb"},"content":{"rendered":"
\n
\n
Kur i kthehem koh\u00ebve t\u00eb m\u00ebparshme m\u00eb rikujtohen gj\u00ebrat e mia q\u00eb imagjinoja rreth pamjes s\u00eb nj\u00eb burri, t\u00eb cilin e parafytyroja n\u00eb nd\u00ebrgjegjen time dhe doja t\u00eb ishte bashk\u00ebshorti im. D\u00ebshiroja t\u00eb ishte si babai im, i cili ishte burr\u00eb me plot kuptimin e fjal\u00ebs. Por kur e b\u00ebj nj\u00eb krahasim mes burrit t\u00eb asaj kohe dhe atij t\u00eb sotmit v\u00ebrej dallime t\u00eb m\u00ebdha dhe t\u00eb qarta, q\u00eb padyshim s\u2019jan\u00eb n\u00eb favor t\u00eb burrit t\u00eb sot\u00ebm n\u00eb shumic\u00ebn e rasteve.<\/div>\n<\/header>\n<\/div>\n
\n

Pavar\u00ebsisht nga ajo se ata nuk ishin t\u00eb ditur dhe nuk zot\u00ebronin diploma universitare n\u00eb krahasim me burrat e sot\u00ebm, shumica e tyre ishin t\u00eb edukuar dhe me vet\u00ebdije t\u00eb lart\u00eb rreth \u00e7\u00ebshtjeve fetare dhe atyre jet\u00ebsore, ndoshta edhe m\u00eb shum\u00eb se sa ata q\u00eb zot\u00ebrojn\u00eb sot diploma t\u00eb larta. Deri dje burri ishte ai q\u00eb e edukonte familjen, e mbronte prej \u00e7do mendimi t\u00eb huaj jo-islam, q\u00eb e rrezikon at\u00eb personalisht apo familjen e tij. Fjala e tij ishte e respektuar dhe e d\u00ebgjuar. Familja e nderonte dhe e respektonte me d\u00ebshir\u00eb dhe vullnet.<\/p>\n

\u00c7do mosmarr\u00ebveshje n\u00eb familje e zgjidhte me mend dhe urt\u00ebsi. Marr\u00ebdh\u00ebniet dhe sjelljet brenda familjes dhe jasht\u00eb saj q\u00ebndronin n\u00eb dor\u00ebn e tij, dhe nuk lejonte t\u2019i ndodhte asgj\u00eb askujt prej an\u00ebtar\u00ebve t\u00eb familjes. Gruas s\u00eb vet i mbronte pozit\u00ebn e saj, dhe ishte i kujdessh\u00ebm p\u00ebr f\u00ebmij\u00ebt e tij, ku i g\u00ebzonin t\u00eb gjitha t\u00eb drejtat e tyre familjare dhe personale. Por n\u00ebse kthehemi dhe i shikojm\u00eb shumic\u00ebn e burrave t\u00eb sot\u00ebm do t\u00eb v\u00ebrejm\u00eb \u00e7udira. Marr\u00ebdh\u00ebniet e burrit me gruan n\u00eb shumic\u00ebn e sht\u00ebpive kan\u00eb marr\u00eb nj\u00eb pamje trishtuese, plot\u00ebsisht larg asaj pasqyre q\u00eb duhet t\u00eb jen\u00eb marr\u00ebdh\u00ebniet bashk\u00ebshortore. Zakonisht marr\u00ebdh\u00ebniet bashk\u00ebshortore ndahen n\u00eb tre lloje:<\/p>\n

Lloji i par\u00eb: Burr\u00eb sundues dhe dominues mbi gruan e tij.<\/p>\n

N\u00eb k\u00ebt\u00eb rast \u00ebsht\u00eb burri ai q\u00eb sundon mbi \u00e7do gj\u00eb, duke i p\u00ebrbuzur t\u00eb drejtat dhe ndjenjat e t\u00eb gjith\u00ebve, duke filluar prej gruas s\u00eb tij. Shpeshher\u00eb tenton ta dob\u00ebsoj\u00eb personalitetin e saj, t\u2019i anashkaloj\u00eb t\u00eb drejtat e saj, fisnik\u00ebrin\u00eb e saj, natyrshm\u00ebrin\u00eb e saj, e pastaj ia ofron p\u00ebr familjen e tij, si nj\u00eb kafshat\u00eb e leht\u00eb e n\u00ebn\u00e7muar. Ka raste t\u00eb shumta dhe t\u00eb llojllojshme, ku grat\u00eb ankohen nga sjellja e keqe e burrave t\u00eb tyre. Ja se si na rr\u00ebfen nj\u00ebra prej tyre dhe thot\u00eb:<\/p>\n

\u201cJam nj\u00eb zonj\u00eb dyzetvje\u00e7are, dhe e martuar prej mosh\u00ebs nj\u00ebzet e dy vje\u00e7. Kam kat\u00ebr f\u00ebmij\u00eb, q\u00eb jan\u00eb n\u00eb nivele t\u00eb larta morali, feje dhe predominimit shkollor dhe atij sportiv. Kam nj\u00eb problem n\u00eb jet\u00eb, e ai \u00ebsht\u00eb burri im. Problemet mes nesh filluan pasi u martuam, dhe shkaktar kryesor \u00ebsht\u00eb familja e tij. Ata e nxisin kund\u00ebr meje, duke shpifur gj\u00ebra q\u00eb nuk i b\u00ebj, dhe ai i beson, kurse mua nuk m\u00eb d\u00ebgjon. Tani ka filluar t\u00eb m\u00eb b\u00ebrtas\u00eb dhe m\u00eb qorton haptazi pa asnj\u00eb shkak, dhe m\u00eb n\u00ebn\u00e7mon para vajzave tona, t\u00eb cilat jan\u00eb para martes\u00ebs.\u201d<\/p>\n

Na rr\u00ebfen nj\u00eb zonj\u00eb tjet\u00ebr dhe thot\u00eb:<\/p>\n

\u201cJam nj\u00eb zonj\u00eb e martuar q\u00eb prej shtat\u00eb vite e gjysm\u00eb dhe kam dy f\u00ebmij\u00eb. Pavar\u00ebsisht se i kam kaluar ato vite martes\u00eb, tashti d\u00ebshiroj t\u00eb ndahem prej burrit, p\u00ebr shkak t\u00eb problemeve q\u00eb m\u2019i shkakton. Faktor kryesor p\u00ebr problemet tona \u00ebsht\u00eb familja e tij, e nxisin me t\u00eb madhe kund\u00ebr meje, e ai i respekton dhe i d\u00ebgjon shum\u00eb ata, pavar\u00ebsisht se a kan\u00eb t\u00eb drejt\u00eb apo jo. M\u00eb n\u00ebn\u00e7mon para tyre dhe ua lejon atyre t\u00eb m\u00eb n\u00ebn\u00e7mojn\u00eb. B\u00ebj durim sa mundem dhe e rikujtoj veten, se un\u00eb veproj me ato vet\u00ebm p\u00ebr hir t\u00eb Allahut. Tani jetoj tek ai vet\u00ebm si trup pa shpirt, ia plot\u00ebsoj t\u00eb gjitha d\u00ebshirat dhe i g\u00ebzon t\u00eb gjitha t\u00eb drejtat bashk\u00ebshortore, por tani e urrej at\u00eb shum\u00eb, p\u00ebr shkak se jet\u00ebn ma ka shkat\u00ebrruar. Tani jam e s\u00ebmur\u00eb, me depresion t\u00eb thell\u00eb dhe mendoj vet\u00ebm p\u00ebr vdekjen\u201d.<\/p>\n

K\u00ebto shembuj e shum\u00eb t\u00eb tjer\u00eb ndodhin si rezultat i personalitetit t\u00eb dob\u00ebt t\u00eb burrit para familjes s\u00eb tij, dhe mosrespektimit t\u00eb gruas, duke e p\u00ebrdorur forc\u00ebn si mjet p\u00ebr sundim. Gabimi i tij n\u00eb k\u00ebt\u00eb rast vjen si shkak i padijes p\u00ebr administrimin apo menaxhimin e jet\u00ebs s\u00eb tij t\u00eb re, dhe mosveprimi i tij me ekuilib\u00ebr mes t\u00eb drejtave familjare, q\u00eb duhet t\u2019i plot\u00ebsoj\u00eb, dhe mes lidhjeve farefisnore, mir\u00ebsis\u00eb ndaj tyre, p\u00ebrfitimin e dashuris\u00eb dhe k\u00ebnaq\u00ebsis\u00eb s\u00eb tyre, dhe mes t\u00eb drejtave t\u00eb gruas s\u00eb tij morale, materiale dhe mbrojtjen e natyrshm\u00ebris\u00eb dhe fisnik\u00ebris\u00eb s\u00eb saj.<\/p>\n

Ky burr\u00eb harron se \u00ebsht\u00eb p\u00ebrgjegj\u00ebs p\u00ebr gruan e tij para Allahut me p\u00ebrgjegj\u00ebsi t\u00eb plot\u00eb, dhe harron porosin\u00eb e krijes\u00ebs m\u00eb t\u00eb mir\u00eb dhe m\u00eb t\u00eb drejt\u00eb Muhamedit, sal-lallahu alejhi ue selem, i cili n\u00eb Haxhin e Lamtumir\u00ebs, na porosit t\u00eb kujdesemi p\u00ebr grat\u00eb, qofshin vajza, gra t\u00eb martuara apo n\u00ebna: \u201cO njer\u00ebz! Kijeni frik\u00eb Allahun dhe silluni mir\u00eb me grat\u00eb, sepse ju i keni marr\u00eb ato amanet nga Allahu dhe me fjal\u00ebn e Allahut ju \u00ebsht\u00eb lejuar t\u2019i keni gra\u201d.<\/p>\n

Prandaj, o ti burr\u00eb sundues dhe i padrejt\u00eb: Gruaja jote \u00ebsht\u00eb rob\u00ebresh\u00eb e dob\u00ebt, q\u00eb babai i saj e ka l\u00ebn\u00eb amanet te ti, dhe Zoti yt do t\u2019i llogaris\u00eb sjelljet e k\u00ebqija dhe t\u00eb liga ndaj saj. Vepra jote \u00ebsht\u00eb shum\u00eb larg moralit t\u00eb lart\u00eb dhe besimit t\u00eb kulluar. Na p\u00ebrcjell Ebu Hurejra prej Pejgamberit, sal-lAllahu alejhi ue selem, se ka th\u00ebn\u00eb: \u201cBesimtari me besim m\u00eb t\u00eb plot\u00eb \u00ebsht\u00eb ai q\u00eb ka moralin m\u00eb t\u00eb mir\u00eb, dhe m\u00eb i miri prej jush \u00ebsht\u00eb ai q\u00eb \u00ebsht\u00eb i sjellsh\u00ebm me grat\u00eb e tij dhe un\u00eb jam m\u00eb i sjellshmi me familjen time\u201d.<\/p>\n

P\u00ebr gruan n\u00eb k\u00ebt\u00eb rast nuk mbetet gj\u00eb tjet\u00ebr vet\u00ebm se t\u00eb b\u00ebj\u00eb sab\u00ebr dhe t\u00eb k\u00ebrkoj\u00eb ndihm\u00eb prej Allahut, s\u00eb pari dhe s\u00eb fundi. Pastaj, le t\u00eb k\u00ebrkoj\u00eb \u00e7do rrug\u00eb, e cila e drejton n\u00eb p\u00ebrmir\u00ebsimin e gjendjes s\u00eb burrit t\u00eb saj, t\u00eb sillet mir\u00eb me t\u00eb, t\u00eb p\u00ebrpiqet t\u00eb rikujtoj\u00eb, se Allahu e mbik\u00ebqyr \u00e7do sjellje t\u00eb tij, dhe t\u00eb b\u00ebj\u00eb dua vazhdimisht, q\u00eb Allahu ta udh\u00ebzoj\u00eb dhe ta p\u00ebrmir\u00ebsoj\u00eb gjendjen e tij.<\/p>\n

N\u00ebse d\u00ebshton \u00e7do mund i saj dhe burri i saj nuk drejtohet, at\u00ebher\u00eb le t\u00eb kapet pas litarit t\u00eb Allahut dhe t\u00eb k\u00ebrkoj\u00eb pand\u00ebrprer\u00eb ndihm\u00eb prej Tij, dhe t\u00eb rikujtoj\u00eb se p\u00ebr durimtar\u00ebt Allahu ka premtuar shp\u00ebrblime pa llogari. Kjo do t\u2019ia leht\u00ebsoj\u00eb asaj gjendjen dhe dhimbjen n\u00eb shpirt.<\/p>\n

Lloji i dyt\u00eb: Personalitet i dob\u00ebt me gruan e tij:<\/p>\n

Ky lloj \u00ebsht\u00eb krejt\u00ebsisht i kund\u00ebrt me llojin par\u00eb. N\u00eb llojin e par\u00eb v\u00ebrejt\u00ebm se si burri e flijon gruan p\u00ebr familjen e tij, injoranc\u00ebn dhe epshet e tij, nd\u00ebrsa n\u00eb llojin e dyt\u00eb do t\u00eb shohim nj\u00eb burr\u00eb q\u00eb e flijon familjen dhe jet\u00ebn p\u00ebr gruan e tij.<\/p>\n

Ky lloj burrave i dhuron gruas jet\u00ebn e tij, mendjen e tij, i n\u00ebnshtrohet asaj t\u00ebr\u00ebsisht, i respekton urdh\u00ebresat e saj dhe i p\u00ebrgjigjet t\u00eb gjitha d\u00ebshirave dhe nevojave t\u00eb saj. E flijon p\u00ebr at\u00eb \u00e7do send, familjen, fisnik\u00ebrin\u00eb, burr\u00ebrin\u00eb, d\u00ebshirat e tij, dhe krejt bot\u00ebn q\u00eb e rrethon. E harron porosin\u00eb e Zotit t\u00eb tij, q\u00eb t\u2019i respektoj\u00eb prind\u00ebrit dhe t\u00eb sillet mir\u00eb me ata. E harron sakrific\u00ebn e prind\u00ebrve t\u00eb tij, q\u00eb e edukuan, e rrit\u00ebn, e shkolluan, vet\u00ebm se p\u00ebr hir t\u00eb gruas.<\/p>\n

Na rr\u00ebfen nj\u00eb n\u00ebn\u00eb dhe thot\u00eb:<\/p>\n

\u201cJam n\u00ebn\u00eb e nj\u00eb djali, q\u00eb e rrita me shum\u00eb v\u00ebshtir\u00ebsi. Babai i tij nd\u00ebrroi jet\u00eb her\u00ebt dhe un\u00eb e s\u00ebmur\u00eb p\u00ebrpiqesha t\u2019ia plot\u00ebsoj t\u00eb gjitha kushtet. Sot jetoj s\u00eb bashku me familjen e tij, por m\u00eb detyron q\u00eb t\u00eb jetoj e vetme n\u00eb dhom\u00eb, t\u00eb ha vet\u00ebm, q\u00eb mos ta pengoj at\u00eb dhe gruan e tij, nuk m\u00eb lejon t\u00eb largohem prej sht\u00ebpie vet\u00ebm se nj\u00eb or\u00eb n\u00eb dit\u00eb edhe at\u00ebher\u00eb duke m\u00eb shoq\u00ebruar sh\u00ebrb\u00ebtorja. Jetoj e vetmuar dhe \u00e7do moment pres vdekjen. M\u00eb duket se jam e burgosur dhe e kaloj koh\u00ebn e d\u00ebnimit n\u00eb regjim izolimi, nd\u00ebrsa biri im \u00ebsht\u00eb ai q\u00eb m\u00eb d\u00ebnoi dhe m\u00eb burgosi\u201d.<\/p>\n

Na rr\u00ebfen nj\u00eb baba dhe thot\u00eb:<\/p>\n

\u201cJam nj\u00eb plak, i cili i ka kaluar t\u00eb shtat\u00ebdhjetat. Kam tre f\u00ebmij\u00eb, dhe asnj\u00ebri nuk m\u00eb pranon t\u00eb jetoj s\u00eb bashku me familjet e tyre. I propozova q\u00eb t\u00eb jetoj n\u00eb dhom\u00eb plot\u00ebsuese, vet\u00ebm q\u00eb t\u00eb jem af\u00ebr atyre dhe t\u00eb kujdesen p\u00ebr mua, se para pak koh\u00ebsh fillova ta humb edhe shikimin. T\u00eb gjith\u00eb e refuzuan k\u00ebrkes\u00ebn time dhe m\u00eb than\u00eb, se do t\u00eb m\u00eb vendosin n\u00eb nj\u00eb sht\u00ebpi pleqsh\u201d.<\/p>\n

Lloji i tret\u00eb: Burr\u00eb i drejt\u00eb, i men\u00e7ur, i ekuilibruar:<\/p>\n

Ky \u00ebsht\u00eb lloji, i cili gjendet shum\u00eb rrall\u00eb sot. Burri i k\u00ebtij lloji \u00ebsht\u00eb ai q\u00eb i frik\u00ebsohet Allahut, i frik\u00ebsohet d\u00ebnimit t\u00eb Tij, dhe e urren ta takoj\u00eb Zotin e Tij, duke qen\u00eb i padrejt\u00eb ndaj t\u00eb dy pal\u00ebve. Me urt\u00ebsin\u00eb e tij, me men\u00e7urin\u00eb e tij dhe me vet\u00ebdije t\u00eb plot\u00eb mundohet t\u2019ia plot\u00ebsoj\u00eb t\u00eb drejtat t\u00eb gjith\u00ebve. Mundohet ta kuptoj\u00eb dhe t\u00eb respektoj\u00eb nevojat e \u00e7dokujt. I kupton nevojat familjare dhe t\u00eb drejtat e tyre, i p\u00ebrgjigjet k\u00ebrkesave t\u00eb tyre, i d\u00ebgjon k\u00ebshillat e tyre, dhe \u00ebsht\u00eb i ekuilibruar mes nevojave t\u00eb tij personale dhe atyre familjare, dhe nevojave t\u00eb gruas dhe f\u00ebmij\u00ebve t\u00eb tij. Gruan e tij e kupton si shok jete, e respekton si krijes\u00eb e dashur, e respekton natyrshm\u00ebrin\u00eb e saj, fisnik\u00ebrin\u00eb e saj, dhe n\u00eb fund nuk i harron detyrat e tij ndaj prind\u00ebrve dhe familjes s\u00eb vet.<\/p>\n

Prezenca e k\u00ebtij lloji burrit \u00ebsht\u00eb shembull i asaj kohe t\u00eb bukur, kur \u00e7do grua \u00ebnd\u00ebrronte nj\u00eb bashk\u00ebshort t\u00eb till\u00eb dhe nj\u00eb prind p\u00ebr f\u00ebmij\u00ebt e saj.<\/p>\n

Autor: Selva El Magribi<\/strong><\/p>\n

Nga arabishtja: Irfan JAHIU<\/p>\n

 <\/p>\n<\/div>\n