ZGJIDHE AT\u00cb Q\u00cb KA FE, T\u00cb LUMSHIN DUART!<\/p>\n
Alkame tregon: \u201cOthmani e takoi Abdullah ibn Mesudin (Allahu qoft\u00eb i k\u00ebnaqur me t\u00eb!), teksa un\u00eb isha me t\u00eb, e i tha: \u201cO Ebu Abdurrahman, kam nj\u00eb pun\u00eb me ty!\u201d Pasi u vetmuan, Othmani i tha: \u201cA d\u00ebshiron t\u00eb t\u00eb martojm\u00eb me nj\u00eb beqare, q\u00eb do t\u00eb ta rikujtoj\u00eb rinin\u00eb?\u201d Meq\u00eb Abdullahu nuk kishte nevoj\u00eb p\u00ebr martes\u00eb, mua ma b\u00ebri me shenj\u00eb dhe m\u00eb tha: \u201cO Alkame (eja)!\u201d Un\u00eb iu afrova, e ai ishte duke i th\u00ebn\u00eb (Othmanit): \u201cPasi po e thua k\u00ebt\u00eb, Pejgamberi \ufdfa na ka th\u00ebn\u00eb: \u201cO ju rini, ai q\u00eb i ka mund\u00ebsit\u00eb, le t\u00eb martohet. Nd\u00ebrkaq, ai q\u00eb nuk i ka mund\u00ebsit\u00eb, le t\u00eb agj\u00ebroj\u00eb, sepse agj\u00ebrimi ia shuan epshin.\u201d[1]<\/a><\/p>\n Imam Neveviu (Allahu e m\u00ebshiroft\u00eb!) thot\u00eb: \u201cDijetar\u00ebt tregojn\u00eb se fjala \u201cmund\u00ebsi\u201d, q\u00eb u p\u00ebrmend n\u00eb hadith i p\u00ebrmban dy kuptime: kuptimin \u201cmund\u00ebsi materiale p\u00ebr martes\u00eb\u201d dhe kuptimin \u201cmarr\u00ebdh\u00ebnie intime\u201d. T\u00eb dyja kuptimet kthehen te nj\u00eb dometh\u00ebnie e p\u00ebrbashk\u00ebt, por m\u00eb e sakta n\u00eb k\u00ebt\u00eb rast \u00ebsht\u00eb kuptimi \u201cmarr\u00ebdh\u00ebnie intime\u201d, q\u00eb i bie t\u00eb kuptohet se, kush ka mund\u00ebsi materiale q\u00eb ia leht\u00ebsojn\u00eb atij martes\u00ebn e t\u2019i mund\u00ebsohen marr\u00ebdh\u00ebniet intime me bashk\u00ebshorten, le t\u00eb martohet. Nd\u00ebrkaq, kush nuk ka mund\u00ebsi materiale t\u00eb martohet dhe kjo ia pamund\u00ebson atij kontaktin intim, le t\u00eb agj\u00ebroj\u00eb, sepse agj\u00ebrimi ia shuan epshin nj\u00ebsoj si\u00e7 ndikon tredhja.<\/p>\n Fjala arabe \u201cel vixha\u201d, q\u00eb u p\u00ebrmend n\u00eb hadith, kuptimin e ka tredhje, q\u00eb n\u00ebnkupton k\u00ebtu se agj\u00ebrimi e shuan epshin dhe mbron nga e keqja e tij ashtu si\u00e7 ndikon tredhja.<\/p>\n Hadithi sqaron se martesa k\u00ebrkohet prej atij q\u00eb i ka mund\u00ebsit\u00eb materiale dhe aft\u00ebsit\u00eb fizike p\u00ebr marr\u00ebdh\u00ebnie intime. K\u00ebtu pajtohen t\u00eb gjith\u00eb dijetar\u00ebt.<\/p>\n Nd\u00ebrkaq, fjal\u00ebt e Pejgamberit \ufdfa n\u00eb hadithin: \u201cKush largohet nga tradita ime nuk \u00ebsht\u00eb prej meje\u201d; e kan\u00eb kuptimin se, kush largohet nga tradita ime, duke hequr dor\u00eb nga martesa e jo pse nuk beson n\u00eb tradit\u00ebn time.\u201d<\/p>\n Aishja i tregon se Pejgamberi \ufdfa ka th\u00ebn\u00eb: \u201cMartesa \u00ebsht\u00eb nga tradita ime e ai q\u00eb nuk punon sipas tradit\u00ebs sime nuk \u00ebsht\u00eb prej meje. Martohuni, sepse un\u00eb do t\u00eb krenohem me ju para umeteve t\u00eb tjera n\u00eb Dit\u00ebn e Kiametit. Ai q\u00eb i ka mund\u00ebsit\u00eb t\u00eb martohet, le t\u00eb martohet, e ai q\u00eb nuk mundet, le t\u00eb kapet p\u00ebr agj\u00ebrimin, sepse agj\u00ebrimi ia shuan epshin.\u201d[2]<\/a><\/p>\n Makil ibn Jesari h tregon p\u00ebr nj\u00eb burr\u00eb se erdhi te Pejgamberi \ufdfa dhe i tha: \u201cKam gjetur nj\u00eb grua t\u00eb bukur dhe q\u00eb ka familje t\u00eb mir\u00eb, por nuk lind f\u00ebmij\u00eb: a ta martoj at\u00eb?\u201d Pejgamberi \ufdfa tha: \u201cJo.\u201d M\u00eb von\u00eb erdhi s\u00ebrish dhe e mori t\u00eb nj\u00ebjt\u00ebn p\u00ebrgjigje. Prap\u00eb erdhi p\u00ebr t\u00eb tret\u00ebn her\u00eb, e n\u00eb at\u00eb rast Pejgamberi\u00a0 \ufdfa tha: \u201cMartoni ato gra q\u00eb jan\u00eb t\u00eb dashura dhe q\u00eb lindin shum\u00eb f\u00ebmij\u00eb, sepse un\u00eb do t\u00eb krenohem me ju para umeteve t\u00eb tjera n\u00eb Dit\u00ebn e Kiametit.\u201d[3]<\/sup><\/a><\/p>\n Imam Gazaliu (Allahu e m\u00ebshiroft\u00eb!) thot\u00eb: \u201cIbn Abasi h ka th\u00ebn\u00eb: \u201cNuk plot\u00ebsohet p\u00ebrkushtimi (adhurimi i Zotit) derisa njeriu t\u00eb martohet.\u201d Fjal\u00ebt e tij l\u00ebn\u00eb t\u00eb kuptohet se martes\u00ebn e llogariti pjes\u00eb t\u00eb p\u00ebrkushtimit dhe vep\u00ebr q\u00eb e plot\u00ebson at\u00eb. Por, me sa duket, q\u00ebllimi i tij ka qen\u00eb se zemra nuk i shp\u00ebton vrullit t\u00eb epshit vet\u00ebm se me an\u00eb t\u00eb martes\u00ebs, nd\u00ebrsa p\u00ebrkushtimi nuk plot\u00ebsohet vet\u00ebm se at\u00ebher\u00eb kur zemra lirohet dhe i p\u00ebrkushtohet Allahut. P\u00ebr k\u00ebt\u00eb shkak i mblidhte nx\u00ebn\u00ebsit e tij, Ikrimen, Kurejbin e t\u00eb tjer\u00ebt, dhe u thoshte: \u2018N\u00ebse d\u00ebshironi t\u00eb martoheni, m\u00eb tregoni, q\u00eb t\u2019ju martoj, sepse robi, n\u00ebse b\u00ebn zina, i largohet imani nga zemra tij\u2019.\u201d[4]<\/a><\/p>\n Enes ibn Maliku h p\u00ebrcjell se Pejgamberi \ufdfa ka th\u00ebn\u00eb: \u201cAt\u00eb q\u00eb Allahu e begaton me grua t\u00eb ndershme, tashm\u00eb e ka p\u00ebrkrahur n\u00eb gjysm\u00ebn e imanit t\u00eb tij. Andaj, le t\u2019ia ket\u00eb frik\u00ebn Allahut n\u00eb gjysm\u00ebn tjet\u00ebr.\u201d[5]<\/a><\/p>\n Imam Munaviu (Allahu e m\u00ebshiroft\u00eb!) n\u00eb komentin e k\u00ebtij hadithi thot\u00eb: \u201cKjo, p\u00ebr shkak se fatkeq\u00ebsia m\u00eb e madhe q\u00eb e cenon fen\u00eb \u00ebsht\u00eb: epshi i barkut dhe epshi i organit. Me martes\u00ebn e gruas s\u00eb ndershme arrihet t\u00eb mbrohet nderi dhe t\u00eb mos bihet n\u00eb zina. Kjo \u00ebsht\u00eb gjysma par\u00eb. Mbetet gjysma e dyt\u00eb: epshi i barkut, me \u00e7\u2019rast e k\u00ebshilloi me devotshm\u00ebri, q\u00eb t\u00eb plot\u00ebsohet fetaria dhe t\u00eb arrihet p\u00ebrqendrimi tij n\u00eb fe. Ky udh\u00ebzim \u00ebsht\u00eb m\u00eb me prioritet se th\u00ebnia e disave: \u201cGruaja e ndershme e pengon burrin e saj nga sh\u00ebmtia e jashtme.\u201d E p\u00ebrcaktoi \u201cgruaja t\u00eb jet\u00eb e ndershme\u201d, sepse grat\u00eb e tjera, edhe n\u00ebse ia mbrojn\u00eb nderin dhe nuk e l\u00ebn\u00eb t\u00eb bjer\u00eb n\u00eb zina, megjithat\u00eb ekziston mund\u00ebsi e madhe ta fusin n\u00eb ngat\u00ebrresa dhe n\u00eb p\u00ebrftimin e pasuris\u00eb n\u00eb haram.<\/p>\n Gruan e llogariti begati dhe furnizim, se sikund\u00ebrq\u00eb njeriu p\u00ebrfiton nga furnizimi me ushqim e pije p\u00ebr t\u00eb larguar urin\u00eb, ashtu me martes\u00eb e largon mallin e marr\u00ebdh\u00ebnieve.<\/p>\n Ibn Haxheri (Allahu e m\u00ebshiroft\u00eb!) n\u00eb librin e tij \u201cFet\u2019hul Barij\u201d, te hadithi num\u00ebr 5065, pohon: \u201cHadithi, edhe pse ka dob\u00ebsi, rrug\u00ebt e shumta t\u00eb k\u00ebtyre haditheve tregojn\u00eb se ka baz\u00eb: motivimi p\u00ebr martes\u00eb, mir\u00ebpo p\u00ebr at\u00eb q\u00eb ka aft\u00ebsi trupore p\u00ebr marr\u00ebdh\u00ebnie.\u201d[6]<\/a><\/p>\n Prej dobive q\u00eb i sjell martesa \u00ebsht\u00eb edhe ajo e shfryrjes s\u00eb epshit n\u00eb hallall duke u shp\u00ebrblyer madje p\u00ebr t\u00eb.<\/p>\n Pejgamberi \ufdfa thot\u00eb: \u201c… dhe marr\u00ebdh\u00ebnia intime (me grat\u00eb tuaja) \u00ebsht\u00eb sadaka.\u201d<\/p>\n – O i D\u00ebrguari i Allahut, a ndodh q\u00eb t\u00eb shp\u00ebrblehemi edhe kur e realizojm\u00eb epshin ton\u00eb?! – than\u00eb ata.<\/p>\n – Sikur ta b\u00ebnte n\u00eb haram, a do t\u00eb kishte m\u00ebkat? Rrjedhimisht, kur ta b\u00ebj\u00eb n\u00eb hallall, do t\u00eb ket\u00eb shp\u00ebrblim, – tha Pejgamberi \ufdfa.\u201d[7]<\/a><\/p>\n Imam Neveviu (Allahu e m\u00ebshiroft\u00eb!) thot\u00eb: \u201cHadithi \u00ebsht\u00eb argument se gj\u00ebrat e lejuara n\u00ebp\u00ebrmjet nijetit t\u00eb sinqert\u00eb shnd\u00ebrrohen n\u00eb adhurime, me \u00e7\u2019rast k\u00ebtu marr\u00ebdh\u00ebnia intime shnd\u00ebrrohet n\u00eb adhurim n\u00ebse nijetin e ka ta plot\u00ebsoj\u00eb hakun e bashk\u00ebshortes n\u00eb shtrat e t\u00eb kujdeset p\u00ebr nevojat e saj trupore sipas urdhrave t\u00eb Allahut, ose t\u00eb k\u00ebrkoj\u00eb f\u00ebmij\u00eb t\u00eb ndersh\u00ebm, t\u00eb ruaj\u00eb nderin e tij ose nderin e gruas s\u00eb tij, t\u00eb largohen nga shikimi n\u00eb haram ose t\u00eb largohen nga t\u00eb menduarit rreth haramit ose d\u00ebshir\u00ebs p\u00ebr t\u00eb shkuar pas tij ose q\u00ebllime t\u00eb tjera t\u00eb drejta dhe t\u00eb sh\u00ebndosha.\u201d[8]<\/a><\/p>\n Allahu, n\u00ebp\u00ebrmjet gjuh\u00ebs s\u00eb Pejgamberit \ufdfa, i garantoi p\u00ebrkrahje atij i cili d\u00ebshiron ta ruaj\u00eb nderin e tij me martes\u00eb.<\/p>\n Ebu Hurejra h p\u00ebrcjell se Pejgamberi \ufdfa ka th\u00ebn\u00eb: \u201cAllahu e merr p\u00ebrsip\u00ebr t\u2019i p\u00ebrkrah\u00eb tre persona: luft\u00ebtarin n\u00eb rrug\u00eb t\u00eb Allahut, skllavin q\u00eb d\u00ebshiron ta blej\u00eb lirin\u00eb e tij dhe at\u00eb q\u00eb do martes\u00eb p\u00ebr ta ruajtur nderin e tij.\u201d[9]<\/sup><\/a><\/p>\n Imam Neveviu (Allahu e m\u00ebshiroft\u00eb!) n\u00eb komentin e k\u00ebtij hadithi thot\u00eb:<\/p>\n \u201cAllahu e merr p\u00ebrsip\u00ebr t\u2019i p\u00ebrkrah\u00eb tre persona\u201d; do t\u00eb thot\u00eb se Allahu ia detyroi Vetes p\u00ebrkrahjen e tyre p\u00ebr shkak t\u00eb premtimit t\u00eb Tij.<\/p>\n \u201cLuft\u00ebtarin n\u00eb rrug\u00eb t\u00eb Allahut\u201d; duke ia leht\u00ebsuar luft\u00ebn si shkaqet dhe mjetet e nevojshme.<\/p>\n \u201cRobin q\u00eb d\u00ebshiron ta blej\u00eb lirin\u00eb e tij\u201d; duke ia leht\u00ebsuar borxhin te padroni p\u00ebr ta bler\u00eb lirin\u00eb e tij.<\/p>\n \u201cAt\u00eb q\u00eb do martes\u00eb p\u00ebr ta ruajtur nderin e tij\u201d; q\u00eb t\u00eb mbrohet t\u00eb mos bjer\u00eb n\u00eb zina.<\/p>\n Imam Tibi (Allahu e m\u00ebshiroft\u00eb!) thot\u00eb: \u201cK\u00ebto gj\u00ebra jan\u00eb t\u00eb r\u00ebnda, njeriun e mbingarkojn\u00eb dhe ia r\u00ebndojn\u00eb barr\u00ebn. Sikur t\u00eb mos ishte p\u00ebrkrahja e Allahut, njeriu nuk do t\u00eb mund t\u2019i realizonte. M\u00eb e r\u00ebnda prej tyre \u00ebsht\u00eb ruajtja e nderit, sepse duhet t\u00eb frenohet vrulli i epshit q\u00eb \u00ebsht\u00eb i mbjell\u00eb n\u00eb brend\u00ebsin\u00eb e njeriut. Epshi, n\u00ebse lirohet dhe nuk frenohet, e ul njeriun n\u00eb nivelin e shtaz\u00ebris\u00eb. Pra, n\u00eb nivelin m\u00eb t\u00eb ul\u00ebt t\u00eb mundsh\u00ebm, por, n\u00ebse k\u00ebrkon t\u00eb ruaj\u00eb nderin me martes\u00eb dhe e p\u00ebrfshin at\u00eb p\u00ebrkrahja e Allahut, do t\u00eb ngrihet n\u00eb grad\u00ebn e melek\u00ebve dhe n\u00eb gradat m\u00eb t\u00eb larta.\u201d[10]<\/a><\/p>\n Imam Kurtubiu (Allahu e m\u00ebshiroft\u00eb!) thot\u00eb: \u201cNjeriu, n\u00ebse nuk ka durim t\u2019i p\u00ebrballoj\u00eb v\u00ebshtir\u00ebsit\u00eb e epshit dhe fitnet e grave n\u00eb k\u00ebt\u00eb koh\u00eb, le t\u00eb k\u00ebrkoj\u00eb grua fetare p\u00ebr martes\u00eb, p\u00ebr ta ruajtur fen\u00eb e tij.\u201d<\/p>\n KAPU P\u00cbR MBUROJ\u00cbN E FORT\u00cb<\/p>\n Njeriu ka raste kur nuk i ka mund\u00ebsit\u00eb t\u00eb martohet, nd\u00ebrkoh\u00eb \u00ebsht\u00eb i urdh\u00ebruar t\u00eb ruaj\u00eb nderin e tij. Allahu thot\u00eb: \u201cAta q\u00eb nuk kan\u00eb mund\u00ebsi p\u00ebr martes\u00eb, le t\u00eb p\u00ebrmbajn\u00eb veten, derisa Allahu t\u2019i begatoj\u00eb me dhuntin\u00eb e Tij.\u201d (Nur, 33)<\/p>\n P\u00ebrgjat\u00eb koh\u00ebs q\u00eb k\u00ebrkon martes\u00eb a ka ndonj\u00eb mburoj\u00eb q\u00eb e mbron njeriun nga dhembja e epshit?<\/p>\n Po! Ajo q\u00ebndron n\u00eb agj\u00ebrim.<\/p>\n Pejgamberi \ufdfa\u00a0 ka th\u00ebn\u00eb: \u201cO ju t\u00eb rinj! Kush prej jush ka mund\u00ebsi p\u00ebr martes\u00eb, le t\u00eb martohet. E kush nuk ka mund\u00ebsi p\u00ebr martes\u00eb, le t\u00eb kapet p\u00ebr agj\u00ebrimin, sepse ai do t\u00eb jet\u00eb mburoj\u00eb p\u00ebr t\u00eb.\u201d[11]<\/a><\/p>\n Ibn Kajimi (Allahu e m\u00ebshiroft\u00eb!) thot\u00eb: \u201cI udh\u00ebzoi p\u00ebr tek ila\u00e7i sh\u00ebrues q\u00eb u paracaktua p\u00ebr k\u00ebt\u00eb gj\u00eb. Pastaj, n\u00ebse nuk kan\u00eb mund\u00ebsi p\u00ebr martes\u00eb, i shp\u00ebrnguli tek agj\u00ebrimi si alternativ\u00eb, sepse ai e thyen epshin e nefsit dhe i ngushton vendkalimet e epshit. V\u00ebrtet epshi forcohet me m\u00ebnyr\u00ebn dhe sasin\u00eb e ngr\u00ebnies s\u00eb ushqimit. Sasia dhe m\u00ebnyra e ngr\u00ebnies nxisin n\u00eb ngjalljen e epshit, nd\u00ebrsa agj\u00ebrimi e tkurr epshin. E kush kapet p\u00ebr agj\u00ebrimin e vazhduesh\u00ebm, do t\u2019i reduktohet ose do t\u2019i humb\u00eb epshi.\u201d[12]<\/a><\/p>\n Imam Kurtubiu (Allahu e m\u00ebshiroft\u00eb!) tha: \u201cSa m\u00eb shum\u00eb q\u00eb pak\u00ebsohet sasia e ushqimit, aq m\u00eb tep\u00ebr dob\u00ebsohet epshi dhe, sa m\u00eb shum\u00eb q\u00eb dob\u00ebsohet epshi, aq m\u00eb tep\u00ebr pak\u00ebsohen gjynahet.\u201d<\/p>\n Ebu Hurejra (Allahu qoft\u00eb i k\u00ebnaqur me t\u00eb!) transmeton se Pejgamberi \ufdfa ka th\u00ebn\u00eb: \u201cAllahu i Madh\u00ebruar ka th\u00ebn\u00eb: \u201cAgj\u00ebrimi \u00ebsht\u00eb p\u00ebr Mua dhe Un\u00eb shp\u00ebrblej p\u00ebr t\u00eb. Agj\u00ebruesi e l\u00eb epshin, ushqimin dhe pijen p\u00ebr Mua. Agj\u00ebrimi \u00ebsht\u00eb mburoj\u00eb. Agj\u00ebruesi i ka dy g\u00ebzime: g\u00ebzohet kur t\u00eb b\u00ebj\u00eb iftar dhe g\u00ebzohet kur ta takoj\u00eb Zotin. Era e goj\u00ebs s\u00eb agj\u00ebruesit \u00ebsht\u00eb m\u00eb e mir\u00eb tek Allahu sesa era e myshkut (lloj parfumi).\u201d[13]<\/a><\/p>\n Ebu Hurejra (Allahu qoft\u00eb i k\u00ebnaqur me t\u00eb!) transmeton se i D\u00ebrguari i Allahut \ufdfa ka th\u00ebn\u00eb: \u201cAgj\u00ebrimi \u00ebsht\u00eb mburoj\u00eb, andaj (agj\u00ebruesi) t\u00eb mos flas\u00eb fjal\u00eb t\u00eb ndyta e as t\u00eb mos sillet me injoranc\u00eb. N\u00ebse dikush e sulmon ose e shan, le t’i thot\u00eb: \u201cUn\u00eb jam agj\u00ebrues!\u201d – dy her\u00eb. Betohem n\u00eb At\u00eb, n\u00eb Dor\u00ebn e Cilit \u00ebsht\u00eb shpirti im, se era e goj\u00ebs s\u00eb agj\u00ebruesit \u00ebsht\u00eb m\u00eb e mir\u00eb tek Allahu i Madh\u00ebruar sesa era e myshkut. (Allahu thot\u00eb:) \u201cAi e l\u00eb ushqimin, pijen dhe epshin e vet p\u00ebr Mua, agj\u00ebrimi \u00ebsht\u00eb p\u00ebr Mua dhe Un\u00eb shp\u00ebrblej p\u00ebr t\u00eb, nd\u00ebrsa e mira shp\u00ebrblehet dhjet\u00ebfish.\u201d[14]<\/a><\/p>\n Othman ibn Ebu As Thekafiu h tregon se e ka d\u00ebgjuar Pejgamberin \ufdfa t\u00eb ket\u00eb th\u00ebn\u00eb: \u201cAgj\u00ebrimi \u00ebsht\u00eb mburoj\u00eb nga Zjarri sikur parzmorja q\u00eb e vendosni t\u00eb mbroheni n\u00eb luft\u00eb.\u201d[15]<\/a><\/p>\n Ibn Haxheri (Allahu e m\u00ebshiroft\u00eb!) thot\u00eb: \u201cHadithi \u201cAgj\u00ebrimi \u00ebsht\u00eb mburoj\u00eb\u201d ka ardhur n\u00eb transmetime t\u00eb tjera me disa shtojca si at\u00eb q\u00eb e transmeton Seid ibn Mensuri: \u201cmburoj\u00eb nga Zjarri\u201d dhe po ashtu at\u00eb q\u00eb e sh\u00ebnon imam Ahmedi prej Ebu Hurejr\u00ebs: \u201cmburoj\u00eb dhe fortifikat\u00eb e fort\u00eb nga Zjarri\u201d. K\u00ebto transmetime tregojn\u00eb se agj\u00ebrimi \u00ebsht\u00eb mburoj\u00eb nga zjarri i Xhehenemit. K\u00ebt\u00eb mendim e pohoi dijetari Ibn Abdulberi. Nd\u00ebrkaq, autori i librit \u201cEn Nihaje\u201d thot\u00eb se kuptimi i fjal\u00ebs \u201cmburoj\u00eb\u201d do t\u00eb thot\u00eb se e mbron njeriun nga ajo q\u00eb e d\u00ebmton prej epsheve.<\/p>\n Agj\u00ebruesi duhet t\u00eb ruaj\u00eb agj\u00ebrimin e tij nga \u00e7do gj\u00eb q\u00eb ia prish dhe pak\u00ebson shp\u00ebrblimin. N\u00eb k\u00ebt\u00eb aludojn\u00eb fjal\u00ebt e hadithit: \u201c… n\u00ebse agj\u00ebron, at\u00eb dit\u00eb t\u00eb mos flas\u00eb fjal\u00eb t\u00eb ndyta…\u201d E drejt\u00eb \u00ebsht\u00eb n\u00ebse thuhet se kuptimi i \u201cmburoj\u00ebs\u201d do t\u00eb thot\u00eb mburoj\u00eb sipas dobis\u00eb s\u00eb tij si dob\u00ebsimi i epsheve. N\u00eb k\u00ebt\u00eb aludojn\u00eb fjal\u00ebt n\u00eb hadith: \u201cagj\u00ebruesi e l\u00eb epshin…\u201d<\/p>\n Ijad Kadiu (Allahu e m\u00ebshiroft\u00eb!) thot\u00eb se kuptimi \u00ebsht\u00eb mburoj\u00eb nga gjynahet ose nga Zjarri, ose nga t\u00eb gjitha k\u00ebto. Imam Neveviu e pohon kuptimin se mbron nga Zjarri.\u201d<\/p>\n V\u00ebrtet agj\u00ebrimi \u00ebsht\u00eb adhurim i madh, e s\u2019ka dyshim se zbatimi i adhurimeve ia shton robit imanin dhe n\u00eb k\u00ebt\u00eb m\u00ebnyr\u00eb e largon nga r\u00ebnia n\u00eb gjynahe. Shtoja k\u00ebtij fakti realitetin se natyra e agj\u00ebrimit duke e braktisur ushqimin dhe pijen e dob\u00ebson epshin dhe e dob\u00ebson ndikimin e shejtanit te nefsi i njeriut. Po ashtu agj\u00ebrimi e edukon agj\u00ebruesin t\u00eb ket\u00eb vullnet dhe d\u00ebshir\u00eb t\u00eb fort\u00eb e n\u00eb k\u00ebt\u00eb m\u00ebnyr\u00eb ato e ndihmojn\u00eb ta luftoj\u00eb dhe ta mposht\u00eb epshin duke dal\u00eb fitimtar karshi tij.<\/p>\n RUAJU NGA T\u00cb PATURPSHMIT DHE T\u00cb SHTHURURIT<\/p>\n Allahu e ndaloi shthurjen dhe t\u00eb folurit me fjal\u00eb t\u00eb pista. Allahu thot\u00eb: \u201cAllahu nuk do q\u00eb t\u00eb thuhen hapur fjal\u00eb t\u00eb k\u00ebqija, p\u00ebrve\u00e7se nga t\u00eb d\u00ebmtuarit. Allahu d\u00ebgjon dhe di gjith\u00e7ka.\u201d (Nisa, 148)<\/p>\n Pejgamberi \ufdfa ka th\u00ebn\u00eb: \u201cBesimtari nuk shpif, nuk mallkon, nuk fol fjal\u00eb t\u00eb pista dhe nuk \u00ebsht\u00eb vulgar.\u201d[16]<\/a><\/p>\n Andaj, o ti mysliman dhe myslimane:<\/p>\n Ruajuni nga flirti me fjal\u00eb dashurie q\u00eb nxisin p\u00ebr n\u00eb zina.<\/p>\n Ruajuni nga fjal\u00ebt q\u00eb thuhen n\u00eb celular ose mesazhe a rrjete sociale dhe q\u00eb e ngacmojn\u00eb brend\u00ebsin\u00eb e nefsit.<\/p>\n Ruajuni nga b\u00ebrja ose d\u00ebgjimi i shakave q\u00eb p\u00ebrb\u00ebjn\u00eb fjal\u00eb t\u00eb f\u00eblliqura dhe i godasin vesh\u00ebt e t\u00eb ndershm\u00ebve.<\/p>\n Ruajuni nga leximi i rr\u00ebfimeve dhe rasteve banale e t\u00eb pakuptimta.<\/p>\n LARGOHU PREJ VENDEVE T\u00cb FITNES<\/p>\n Sot jetojm\u00eb n\u00eb nj\u00eb shoq\u00ebri p\u00ebrplot fitne: reklama me pamje t\u00eb ndryshme, revista, gj\u00ebra t\u00eb ndaluara n\u00ebp\u00ebr tregje dhe qendra tregtare, interneti, rrjetet sociale, e shum\u00eb t\u00eb tjera; prandaj, p\u00ebr ta shp\u00ebtuar fen\u00eb, patjet\u00ebr duhet t\u00eb jemi t\u00eb kujdessh\u00ebm.<\/p>\n Meditoje ngjarjen e Jusufit n me gruan e pushtetarit se si iku prej fitnes s\u00eb saj. Allahu thot\u00eb: \u201cQ\u00eb t\u00eb dy vrapuan nga dera dhe ajo ia shqeu k\u00ebmish\u00ebn atij nga mbrapa.\u201d (Jusuf, 25)<\/p>\n Nuk u ndal e as priti t\u00eb mendohej dy her\u00eb e t\u00eb planifikonte, por iku sakaq. Natyra e epshit \u00ebsht\u00eb q\u00eb, kur trazohet, shnd\u00ebrrohet n\u00eb fuqi q\u00eb kallet brenda njeriut dhe nuk qet\u00ebsohet leht\u00eb. Vrulli i epshit vazhdon t\u00eb rritet n\u00eb vazhdim\u00ebsi, derisa ta \u00e7oj\u00eb njeriun n\u00eb gjynah, p\u00ebrve\u00e7 n\u00ebse e mbron Allahu. Andaj, kujdes e mos e ngacmo epshin duke q\u00ebndruar n\u00eb vende ku ka fitne. E, n\u00ebse duhet t\u00eb shkohet patjet\u00ebr n\u00eb vende t\u00eb tilla, at\u00ebher\u00eb mundohu t\u00eb q\u00ebndrosh sa m\u00eb shkurt dhe t\u00eb dal\u00ebsh sa m\u00eb shpejt prej aty.<\/p>\n [1]<\/a> Buhariu (5065).<\/p>\n [2]<\/a> \u201cSahih Sunen Ibn Maxhe\u201d (1496).<\/p>\n [3]<\/a> Ebu Davudi (2050), shejh Albani e sakt\u00ebsoi hadithin.<\/p>\n [4]<\/a> \u201cIhja Ulumi ed Din\u201d (2\/23).<\/p>\n [5]<\/a> \u201cSahih et Tergib\u201d (1916), Albani e vler\u00ebsoi hadithin hasen li gajrihi.<\/p>\n [6]<\/a> \u201cFejdul Kadir\u201d Munaviu, (6\/137).<\/p>\n [7]<\/a> Muslimi (1006).<\/p>\n [8]<\/a> \u201cSherh Muslim\u201d Neveviu, hadithi num\u00ebr (1006).<\/p>\n [9]<\/a> Tirmidhiu (1655), shejh Albani e vler\u00ebsoi hadithin si t\u00eb mir\u00eb n\u00eb \u201cSahih Tirmidhiu\u201d (1352).<\/p>\n [10]<\/a> \u201cTuhfetu el Ehvedhij\u201d, hadithi num\u00ebr (1655).<\/p>\n [11]<\/a> Buhariu (5065).<\/p>\n [12]<\/a> \u201cRevdatu el Muhibin\u201d (1\/219).<\/p>\n [13]<\/a> Buhariu (7492).<\/p>\n [14]<\/a> Buhariu (1894).<\/p>\n