Rrëfen një djalosh dhe thotë: Gjatë periudhës kur isha më i ri, shpesh largohesha nga shtëpia dhe rrija deri vonë jashtë. Kjo e hidhëronte tepër nënën time. Nuk haja në shtëpi, shumicën e ditës e kaloja duke fjetur dhe natën u kthehesha shumë vonë, pasi që flinte nëna ime. Nuk i lash zgjidhje tjetër, përveç se para se të flejë të fillojë të ma shkruajë një letër dhe atë ta ngjitë në derën e frigoriferit. Letra ishte një lloj udhëzimi që të më njoftojë për vendin e ushqimit dhe llojin e tij, që kur të kthehem ta marrë dhe të ha.
Me kalimin e ditëve letra filloi të rritet dhe kërkesat të shtohen. Nëna filloi nga unë të kërkojë që edhe rrobat e palara t’i vendosi në një vend të posaçëm dhe t’i veshi ato të pastrat, dhe po ashtu të më njoftojë për takimet e rëndësishme që i kisha brenda dite!
Në këtë gjendje më kaloi një periudhë e gjatë e rinisë sime, derisa një natë kur u ktheva në shtëpi, si zakonisht e gjeta letrën të ngjitur në derën e frigoriferit. Më erdhi mërzi ta lexoj dhe shkova të fle!! Në mëngjes, u habita kur prindi im më zgjoi nga gjumi dhe e pashë se lotët i rridhnin nga sytë. Më tha: Nëna jote ka ndërruar jetë!!
Sa dhembje të madhe më dha ky lajm! Prapë e mbajta veten, derisa e varrosëm dhe i pritëm njerëzit për ngushëllim. Në mbrëmje u ktheva në shtëpi dhe në gjoksin tim kishte mërzi të madhe dhe pikëllim të pa përshkruar. I shtrirë në krevatin tim papritmas mu kujtua diçka! Mu kujtua letra e nënës time e ngjitur në derën e frigoriferit! U ngrita shpejt dhe shkova te kuzhina, e mora letrën dhe fillova ta lexoj! Këtë herë më kaploi një mërzi tepër e madhe! Në letër nuk kishte urdhra, e as njoftime, e as këshilla! Në të ishte e shkruar vetëm se kjo: “Po ndjehem e lodhur. Diçka nuk jam mirë! Kur të kthehesh më zgjo që të më dërgosh deri në spital!!”.
Ky djalosh e humbi mundësinë ta respektojë nënën e vet, mirëpo ti e ke këtë mundësi. Prandaj shfrytëzoje, mos e lejo veten ta humbësh këtë mundësi të artë!!
Nga arabishtja: Irfan JAHIU
