I ÇMENDUR ËSHTË AI QË MENDON SE NJERËZIT NUK FLASIN PËR TË

Imam Shafiu, Allahu e mëshiroftë, thoshte: “Kush mendon se do të shpëtojë nga fjalët e njerëzve, ai është i çmendur.”

Për Allahun thanë se ka ortak dhe se ka bir, dhe për Muhamedin, lavdërimi dhe paqja e Allahut qofshin për të, thanë se është magjistar dhe i çmendur, e çfarë mendon ti se do të thonë për njerëzit?!

Llokmani, i urti, i tha të birit: “O biri im, gjëja e parë të cilën duhet ta përfitosh pas besimit në Allahun, le të jetë shoku i sinqertë.”

Shembulli i tij është si shembulli i druri, nëse ulesh nën hijen e tij të bën hije, e nëse merr nga frytet e tij të ushqen, edhe kur nuk të bën dobi, nuk të dëmton.

Nuk është shpikje që të zgjedhësh një mijë shokë në vit, po shpikje e vërtetë është që të furnizohesh me një shok për një mijë vjet. Nuk është e mrekullueshme që ta shohësh për çdo ditë, por e mrekullueshme është që ta ndiesh prezencën e tij përreth teje, edhe nëse është larg.

Çdo dashuri e shkëput vdekja, përveçse dashurisë për Allahun, e cila mbetet përgjithmonë!

Nga arabishtja: Irfan JAHIU

SHPËRNDAJE