KËSHILLA TË PËRGJITHSHME

  1. Mos fol shumë për veten, sepse librat e hapur nuk tërheqin lexues!
  2. Mos i ndërto burg vetes me mendimet e njerëzve për ty, nuk të njeh askush më mirë sikurse vetja dhe kjo mjafton!
  3. Shfrytëzoji çastet e pritjes duke bërë istigfar!
  4. Nëse nuk ke diçka t’u japësh të tjerëve, atëherë jep lëmoshë me një fjalë të mirë e buzëqeshje të sinqertë dhe sillu me njerëzit me moral të mirë!
  5. Nëse të godet brenga dhe mërzia, vetëm thuaj Estagfirullah (Kërkoj falje prej Allahut).
  6. Kush do që gjoksi t’i zgjerohet, mëkati t’i falet, pikëllimi t’i lehtësohet dhe brenga t’i largohet, le t’i shtojë salavatet mbi Pejgamberin, lavdërimi dhe paqja e Allahut qofshin për të!
  7. Mbaje mend, për t’i ndryshuar gjërat patjetër duhet që ti të ndryshosh!
  8. Mos e hap zemrën tënde, derisa ta vërtetosh pastërtinë e atij që do të banojë në të!
  9. Mos e braktis namazin asnjëherë, sepse nëpër varreza janë me miliona njerëz që shpresojnë të kthehen në jetë dhe të bien në sexhde, madje ta bëjnë edhe vetëm se një sexhde!
  10. Jeta vazhdon pavarësisht se a qesh apo qan, prandaj mos bart me vete brenga që s’përfiton nga to!
  11. Kurani është vatan, i cili e shpëton dhe çliron çdonjërin që dynjaja e ka lodhur dhe rraskapitur!
  12. Ulja e autoritetit të të tjerëve nuk të ngrit asnjëherë!
  13. Mos i zemëro prindërit e tu për t’i kënaqur të tjerët, sepse të tjerët nuk e harxhuan jetën e tyre për ta ndërtuar jetën tënde!
  14. Nëse e ke mundësinë që ta bësh të lumtur dikë, qoftë ajo edhe me një fjalë, mos hezito!
  15. U larguam shumë nga Kurani, e pastaj po pyesim se pse gjokset tona po na ngushtohen pa asnjë shkak!
  16. Ai që të shet një herë e ka mundësinë të të shesë edhe një mijë herë të tjera, andaj mos e nënvlerëso veten!
  17. Mos e harxho kohën tënde për ta arritur dashurinë e disa personave, po atë harxhoje me ata që të duan me të vërtetë!
  18. Mos e vono bërjen e veprave të mira deri të nesërmen, se e nesërmja do të vijë mirëpo ti ndoshta më nuk je!
  19. Kapuni fort për ata që i doni dhe shprehjuani dashurinë tuaj, faljuani mangësitë e tyre, sepse një ditë ju apo ata do të largoheni dhe në zemrat e tyre do të mbeten fjalët dhe përmallimi!
  20. Mos e mposht askënd për ta lumturuar veten, mos i bëj padrejtësi askujt për t’i shfajësuar gabimet e tua, po mundohu që lumturinë tënde gjithmonë ta ndërtosh larg lëndimit të njerëzve!
  21. Mos u tall me ëndrrat e njerëzve, sado të çuditshme që janë dhe mos i braktis ëndrrat e tua, sado të rënda që janë, jeta s’ka shije pa ëndrra!
  22. Çdo moment kur veten në të e gjen të heshtur kërko falje prej Allahut (thuaj Estagfirullah).
  23. Pavarësisht se sa nijetin e ke të pastër, s’ke për të shpëtuar nga mendimet e këqija të njerëzve!
  24. Kujdesu mirë për ata që gëzohen për gëzimin tënd dhe pikëllohen për pikëllimin tënd, ata janë që e meritojnë një vend të posaçëm në zemrën tënde!
  25. Mos u zemëro, nuk dëmtohet nga zemërimi yt askush përveç teje!
  26. Bëhu i tillë që kush të sheh të lutet për atë që të edukoi!
  27. Ditën e bukur bëje vetë dhe mos prit që bukurinë e ditës sate ta bëjë dikush tjetër.
  28. Dielli nuk pret që ti të zgjohesh që të të dhurojë dritë, as lulja nuk pret që t’i afrohesh që të të dhurojë erë, po ti bëhu sikurse ato dhe nxito t’u ndihmosh atyre që i ke përreth!
  29. Harresa është begati dhe kush do ta ketë mendjen e qetë, le ta harrojë atë që e gjen prej të tjerëve kundrejt tij!
  30. Lodhjet e jetës janë të vazhdueshme dhe ato prej teje nuk e dëshirojnë pikëllimin, ato prej teje kërkojnë që ti të ndryshosh, të bëhesh më i durueshëm, të mos ndalesh, por të ecësh para!
  31. Tri gjëra patjetër duhet që të sistemohen në mendjen tënde: Nuk ka shpëtim nga vdekja, nuk ka rehati në dynja dhe nuk mund t’u shpëtosh fjalëve të njerëzve!
  32. Mos u mërzit prej sjelljeve të krijesave kundrejt teje, po shikoji sjelljet e tyre me Krijuesin!
  33. Nëse dështon një herë, vërtetojua atyre se ti je i suksesshëm.
  34. Mbylle dritaren që të dëmton, sado që pamja të jetë e bukur!
  35. Mos u dëshpëro, vetëm mundohu ta përmirësosh atë që të tjerët e shkatërruan!
  36. Përmirësoje nijetin tënd, Allahu do ta përmirësojë gjendjen tënde, shpreso për tjetrin mirësi, edhe ajo do të vijë për ty!
  37. Harroje të kaluarën, por me të mos e harro mësimin që e more!
  38. Nëse ndokush të bën të qash dhe të zbresin lotët, mos mendo se je i dobët, po dije se lotët janë argument se ti je njeri që ke ndjenja.
  39. Suksesi vjen me fjalën mundem, kurse dështimi vjen me fjalën nuk mundem!
  40. Mos u pikëllo nëse jeta të ngushtohet, ndoshta Allahu është përmalluar për ta dëgjuar zërin duke e thirrur në lutje.

42.Në çdo vend lër gjurmë që aludon në ty!

  1. Njerëzit do të flasin për ty pa marrë parasysh a bëre diçka apo jo!
  2. Bëhu gjithmonë urë përmirësuese mes njerëzve dhe i mjeri ti nëse bëhesh pengesë mes tyre që ata i ndan!
  3. Lërjani krijesat Krijuesit!
  4. Nëse do të jetosh jetë të qetë dhe të rehatshme, mos ki zili, mos urre dhe mos u përkujdes për dynjanë!

NGA DHEMBJA DREJT LUMTURISË

(Thënie të mençura nga jeta dhe përvoja)

Irfan Jahiu

 

 

SHPËRNDAJE