Pyetje: Cila është dispozita e leximit të Kur’anit tek varrezat?
Dispozita e bërjes së duasë për të vdekurin tek varri i tij?
Dhe dispozita e bërjes duasê që e bên njeriu pér veten e tij tek varri i të vdekurit (apo tek varrezat në përgjithësi)?!
Përgjigje:
Leximi i Kur’anit tek varrezat është njê gjë e shpikur (bidat). Nuk ka asnjë transmetim se Pejgamberi alejhi selam apo shokët e tij tê e kenë vepruar këtë gjë.
Dhe nëse nuk vërtetohet se Pejgamberi alejhi selam dhe shokët e tij e kanë vepruar, atëherë nuk na takon neve të shpikim diçka të re në fe nga vetvetet tona, sepse Pejgamberi alejhi selam ka thënë:
“Çdo shpikje shpie në bidat, çdo bidat shpie në humbje, dhe çdo humbje(devijim) shpie në skëterrën e Xhehenemit (në zjarr).”
Muslimanët obligohen t’i pasojnë sahabët, tabi-inêt në gjëra që ata kanë vepruar në mënyrë që në vazhdimêsi të jenë në mirêsi dhe rrugë të drejtë.
Pejgamberi alejhi selam ka thênë:
“Fjala më e mirë êshtë fjala e Allahut (Kur’ani), ndërsa udhëzimi më i mirë është udhëzimi (suneti) i Muhamedit,- salallahu alejhi ve selem!.”
Kurse, duaja për të vdekurin tek varri i tij lejohet të bëhet dhe këtu nuk ka asgjë të keqe. Ndalet njeriu tek varri i të vdekurit dhe lutet për të, psh: “O Allahu im, falja mëkatet, mëshiroje, fute në Xhenet, zgjeroja varrin, lehtsoja sprovat e varrit, etj.
Ndërsa, duaja që bënë njeriu për veten e tij tek varri, një veprim i tillë llogaritet njashtu bidat(risi), sepse nuk lejohet që të veçojmé vende të posaqme për t’u lutur përpos nëse vjen argumenti(nga Kuran, Suneti apo nga Selefi) për veprimin e tillë.
Por, përderisa nuk vërtetohet veprimi i tillë me argument të saktë nga suneti se lejohet veçimi i këtij vendi (tek varri) për dua (lutje) atêherë llogaritet bidat(duaja e njeriut për veten e tij tek varri i të vdekurit).
Burimi: “Mexhmu’u fetava ve resail.” (Vëllimi nr.2, fq. 309-310).
Autor: Shejh Muhamed bin Salih el Uthejmini,- Allahu e mëshiroftë!
Nga arabishtja: Suad B. Shabani
