Pyetje:
A duhet të lexohet sureja el fatiha nga ana e xhematit në namazin farz apo mjafton ta lexon vetëm imami!?
Përgjigje:
– Ulemaja në këtë çështje kanë tri mendime:
1. Obligohen xhemati me lexu suren el fatiha në namazin farz qoftë në namazet që falen me zë (akshami, jacia, sabahu) ose në namazet që falen pa zë (dreka dhe ikindia) sepse sureja el fatiha është prej shtyllave të namazit dhe namazi nuk është i saktë (i pranuar) pa leximin e sures el fatiha.
(Këtë mendim kanë: Ubadete ibni Sa’mit, Ibni Abasi, Euzaiu, Lejthi, Shafiu, e përzgjodhi San’ani dhe shejh Bin Bazi tha: Ky është mendimi më i saktë dhe më i qartë duke u bazuar në argumentet e sakta).
2. Obligohet leximi i fatihasë nga ana e xhematit në namazet pa zë (namazin e drekës dhe ikindisë), kurse namazet me zë xhemati heshtin (namazi sabahut, akshamit, jacisë) dhe ndëgjojnë imamin.
(Këtë mendim kanë: Maliku, mendim i vjetër i imam Shafiut, në një transmetim edhe imam Ahmedi, disa nga hanefitë, Seid ibn Musejib, Se’lim ibn Abdilah, Ibni Shihab ez Zuhriu, Ibn Mubareku, Is’hak ibn Rahuvejh, këta janë të mendimit se xhemati duhet ndëgjuar leximin e imamit në namazet me zë (dmth xhemati nuk lexon fatihan por heshtin), kurse në namazet pa zë (duhet lexuar fatihan xhemati).
3. Oligohen xhemati të heshtin dhe mos ta lexojnë fatihan në namazet me zë dhe pa zë, si dhe nuk obligohen xhemati asgjë të lexojnë kur falen me xhemat (pas imamit), por vetëm duhet ta ndëgjojnë imamin.
(Këtë mendim kanë pothuajse të gjithë dijetarët e medh’hebit hanefi).
Mendimi më i saktë: Xhemati obligohen ta lexojnë suren el fatiha pas imamit qoftë në namazet me zë ose pa zë.
Allahu e di me mirë.
Dr. Abdul Aziz es Sa’idi,- Allahu e ruajtë!
(Profesorë nê fakultetin e hadithit).
Nga arabishtja: Suad B. Shabani
