Pyetje:
Tek ne imami i cili ligjëron hytbet e xhumasë në xhami e rruan mjekrrën e tij.
Ne, duam të dimë se:
A na lejohet neve te falemi pas tij?
Allahu ju shpërbleftë me të mirat e tij!
Përgjigjeja:
Komisioni i Përhershëm për Kërkime Shkencore dhe Fetva është përgjigjur:
Rruajtja e mjekrës është haram, argument për këtê është hadithi i cili transmetohet nga Imam Ahmedi, Buhariu dhe Muslimi nga Ibën Omeri,- Allahu qofte i kënaqur me të gjithë!,- se i Derguari i Allahut,- salallahu alejhi ve selem!,- ka thënê: ” Kundërshtoni idhujtarët, pra lini mjekrrat dhe shkurtoni mustaqet.”
(Buhariu: 10/291, Muslimi: 6/155).
Njashtu transmeton Imam Muslimi nga Ebu Hurejre,- Allahu qoftë i kênaqur me të dy!,- se i Derguari i Allahut,- salallahu alejhi ve selem!,- ka thënë:
”Shkurtoni mustaqet dhe lini mjekrrat, dallohuni nga mexhusët.”
Kush këmbëngulë në rruajtjen e mjekrës le ta dinë se ka bërê mëkat të madhe si dhe është obligim që ai njeri i cili këmbëngulë ne veprimin e këtij harami (rruarjen e mjekrrës) të këshillohet dhe vepra e tij të kundërshtohet.
Këtë duhet ta bëjmë edhe nëse ai ka ndonjë pozitë të lartë fetare.
Në rastin e juaj, themi se :
Nëse imami i xhamisë e rruanë mjekrrën ose i ndonjë xhamie tjetër, duhet keshilluar patjetër që të largohet nga ky veprim i tillë.
E, nëse ai nuk i pranon këshillat, atëherë obligohet që të suspendohet nga punë e hatibit ose imamit nga organet përkatese (Kryesia Xhamisë, Bashkësia islame, etj), normal nëse kjo është e mundur dhe nuk bëhet fitne e madhe me largimin e këtij personi nga posti i hatibit ne xhami.
Nëse nuk ka mundësi tê largohet ai hatib, atëherë obligoheni qê të faleni diku tjetër pas ndonjë imami më të devotshëm dhe me të mirë se ai si qortim ndaj veprës së tij, pra edhe kjo krejt në suaza të caktuara nëse nuk bëhet prap fitne me këtë veprim.
E, nêse nuk ka mundësi të faleni në ndonjë vend tjetër (shkaku i fitnes ose xhamia tjetër është larg paraqet vështirësi), atëherë themi se lejohet falja e namazit pas këtij imami te rruar duke synuar dobinë e faljes së namazit me xhemat dhe ruajtjen nga fitnet e ndryshme.
Gjithashtu, nëse ka mundësi që të faleni pas ndonjë imami tjetër (dmth xhamia tjetër është afër dhe imami është më i devotshëm), por frikësoheni se do bëhet fitne e madhe, atëherë mos u largoni por faluni pas imamit tuaj edhe pse e rruan mjekrrën.
Komisioni i përhershëm i fetvave
Nga arabishtja: Suad Shabani.
