Është pyetur shejh Muhamed ibën Salih el Uthejmini,-Allahu e mëshiroftë!,- në lidhje me dispozitën e mjekrrës në legjislacionin Islam dhe ndër të tjera ai tha:
Mjekrra është prej udhëzimit të Dërguarit të Allahut salAllahu alejhi ve selem.
Muhamedi salAllahu alejhi ve selem ka pasur mjekërr të madhe.
Allahu aze ve xhele ka thënë për Musain dhe Harunin, se Haruni i ka thënë Musait:
قَالَ يَا ابْنَ أُمَّ لَا تَأْخُذْ بِلِحْيَتِي وَلَا بِرَأْسِي.
”O biri i nënës sime, mos më kap për mjekre dhe për flokët e mi!“
(Sure Ta – Ha : 94).
Gjithashtu mjekrra është prej udhëzimit të të gjithë Pejgamberëve dhe është prej natyrshmêrisë, mu ashtu siç ka thënë vetë i Dërguari i Allahut salAllahu alejhi ve selem:
“Dhjetë gjëra janë prej natyrshmërisë…” dhe në mesin e tyre ka përmendur edhe lëshimin e mjekrrës.
Po ashtu i Dërguari i Allahut salAllahu alejhi ve selem! na ka urdhëruar t’i lëshojmë mjekrrat dhe kjo na jep të kuptojmë se rruarrja e mjekrrës është haram, sepse ky veprim bie në kundërshtim me natyrshmërinë dhe moslëshuarja mjekrrës ose rruarja e saj bie ndesh qartazi me udhëzimin e Muhamedit salAllahu alejhi ve selem.
Allahu është më i Dituri!.
Shejh Muhamed bin Salih El-Uthejmin,-Allahu e mëshiroftë!
Nga arabishtja: Suad B. Shabani
