Pyetja:
Çfarë kuptimi ka fjala e Allahut në Kur’an:
وَتَأْكُلُونَ التُّرَاثَ أَكْلًا لَمًّا.
“Trashëgiminë (e të dobtëve) e hani me lakmi të pangopur”.
(Sure el Fexhr: 19)?
Përgjigjeja:
Fjala është për pasuri të trashëguar.
Është e ditur se njeriu e donë pasurinë (paratë).
Allahu thotë:
وَإِنَّهُ لِحُبِّ الْخَيْرِ لَشَدِيدٌ
“Dhe ai (njeriu) është që shumë e do pasurinë”.
(Sure el Adijat:8).
Njeriu nga natyrshmëria e tij e donë pasurinë (paratë), mirëpo kjo dashuri për pasuri nuk do thotë që njeriu duhet të ndjekë rrugë jo legjitime (haram) për të ardhur deri tek zotërimi i pasurisë.
Si, psh: Marrja e kamatës, fitimi i pasurisë përmes kumarit, etj.
Muslimani i sinqertë nuk shikon fitimin e pasurisë ndryshe pos në mënyrat legjitime (hallall) qoftë edhe nëse fiton vetëm pak pasuri ai kënaqet dhe mjaftohet me të.
Muslimani nuk mërzitet pse e don pasurinë si dhe nuk synon të fitoj pasuri më shumë nëse metodat e fitimit i ka ndaluar Allahu (përmes kamatës, kumarit, bastoreve sprotive, marrjen e pasurisë pa hak, vjedhja, etj).
Autori: Dr. Salih bin Feuzan el Feuzan,- Allahu e ruajtë!
Nga arabishtja: Suad B. Shabani
