Pyetja:
Në kohën që po jetojmë janë shtuar fitnet sikurse errësira e natës, lus Allahun,- azze vexhel!,- që të na ruaj neve dhe juve prej devijimeve dhe fitneve të ndryshme.
Dhe prej këtyre fitneve kemi thirrësa të cilët thërrasin drejt dyerve të xhehenemit. Thirrësa të cilët thërrasin në dalalet (humbje), në praktimin e bidateve të ndryshme të sufive, rrafidive dhe të tjerë. Andaj, a na lejohet neve që ta mësojmë lëminë e fikhut nga këta thirrësa edhe pse jemi në njohuri se ata janë të devijuar nga akideja e saktë?
Përgjigje:
Jo, nuk u lejohet juve asesesi të merrni dituri prej atyre thirrësave që kanë akiden e sufive, rrafidive, etj (dituria duhet të mirret vetëm nga ata që janë nën ombrellën e akides së ehli sunetit dhe xhematit).
Sepse kush mëson prej tyre ata (mësuesit e devijuar) përdorin metoda të ndryshme për t’i devijuar edhe nxënësit e diturisë dhe tua mbjellin dhe mësojnë atyre të keqen(rrugën e devijimit).
Gjithashtu, është e ditur se nxënësi zakonisht ndjek profesorin, ecë pas mësimeve të tij (i bindet çfarë thotë profesori).
Nuk mirret dituria prej tyre, por duhet të bëjmë thirrje nxënësve të dijes që të largohen nga tubimet e tilla të nxënies së diturisë.
Nxënësi i dijes duhet ta marrë ilmin prej atyre që janë pasues të Kuranit dhe Sunetit dhe atyre që e kanë akiden dhe metodologjinë të selefus salihit (të parëve tanë të ndershëm).
Autori: Dr. Salih bin Feuzan el Feuzan
Nga arabishtja: Suad B. Shabani
