Pyetje:
Hoxhë i nderuar!
A lejohet fshirja e fytyrës me duar pasi të përfundojmë duanë, lutjen!?
Përgjigje:
Jo, fshirja e fytyrës pas lutjes është më e udhës që mos të praktikohet, një vepirm i tillë nuk është i obliguar as i pëlqyer në islam.
Sepse, hadithet që janë transmetuar në lidhje me fshirjen e fytyrës me duar pas përfundimit të duave janë të dobëta.
Ndërsa, Shejhul Islam Ibën Tejmije,- Allahu e mëshiroftë!,- ka thënë:
“Hadithet e dobëta nuk mund të përdoren si argument (në lidhje me lejimin e fshirjes së fytyrës me duar pas përfundimit të duasë).
Nëse nuk jemi të sigurt apo mendojmë që është më e mundshme të mos jetë urdhëruar apo i pëlqyer në Islam ky veprim i tillë, atëherë është më mirë të mos veprohet ngaqë vendimet Islamike nuk mund të provohen në bazë të një supozimi të thjeshtë nga ana e dikujt, përveç nëse vie argumenti i qartë dhe i saktë”.
Dhe në fund!
Unë (Shejh Uthejmini) mendoj se fshirja e fytyrës pas përfundimit të lutjes nuk është Sunet.
Siç dihet mirë, Pejgamberi,- salallahu alejhi ve selam!,- është lutur për rënien e shiut gjatë hutbes së xhumasë dhe ka ngritur duart, mirëpo nuk ka argument se ai,- salallahu alejhi ve selam!,- ka fshirë fytyrën pasi ka përfunduar lutjet.
Allahu është më i Dituri!.
Shejh Muhamed bin Salih El-Uthejmin, -Allahu e mëshiroftë!-.
Nga arabishtja: Suad B. Shabani
