Pyetje:
I nderuari Hoxhë!
Nëse muslimani ndjenë dhembje gjatë sëmundjeve të ndryshme ose momentin e daljes së shpirtit, a i pakësohen dhe shlyhen atij gjunahet gjatë përjetimit të ketyre sprovave?!
Përgjigje:
Allahu,- xhele veala!,- ia falë disa nga mëkatet muslimanit për çdo sëmundje, vështirësi, dëshprim, madje edhe ajo dhembja e vogël të cilën e ndien kur shpohet me ndonjë therrë ose gjemb të vogël.
Nëse muslimani bën durim dhe shpreson në Allahun,- xhele veala!,- atëherë Allahu do ta shpërblejë edhe për durimin e bërë.
Kurse argumentet të cilët flasin për këtë temë nuk bëjnë dallim ndërmjet dhembjeve para vdekjes ose gjatë saj.
Allahu,-xhele veala!,- ka thënë:
وَمَا أَصَابَكُم مِّن مُّصِيبَةٍ فَبِمَا كَسَبَتْ أَيْدِيكُمْ وَيَعْفُو عَن كَثِيرٍ ﴿٣٠﴾
”Çfarëdo fatkeqësie që ju godet, kjo është për shkak se e keni fituar vetë, e Ai edhe falë shumë.”
(Kur’an: Shura: 30).
Nga ajeti Kur’anor kuptojmë se fatkeqësitë, problemet të cilat e godasin muslimanin janë rezultat i gjunaheve të tij, e me anë të fatkeqësive Allahu e pastron robin e Tij nga një pjesë e gjunaheve të vepruara më parë.
Allahu është më i Dituri!.
Shejh Muhamed bin Salih El-Uthejmin, -Allahu e mëshiroftë!-.
Nga arabishtja: Suad B. Shabani
