Pyetje:
I nderuari hoxhë!
Një person i njeh disa burra të cilët shesin dhe shpërndajnë drogën, porse nuk ka guxim t’i lajmrojë ata në polici, sepse frikësohet për veten e tij dhe i ka familjarë ata.
Na thuani, cili është statusi i tij nëse ai i denoncon ata, por ata si hakmarrje ndaj tij ka mundësi e rrahin po edhe ndoshta e vrasin?
A thua llogaritet kjo vdekje në rrugën e Allahut, nëse e mbysin?!
Përgjigje:
Nëse ai i lajmëron shpërndarësit e drogës në polici, atëherë policia e ka për obligim që mos ta publikojë emrin e atij i cili e ka dhënë informacionin e duhur.
Mirëpo arrestimi i atyre duhet të bëhet pasi t’i gjejnë provat dhe argumentet se të akuzuarit me të vërtetë janë ata që shpërndajnë drogën, e nëse nuk gjejnë argumente atëherë nuk ndërmerret asgjë ndaj të akuzuarve.
Në të kundërtën nëse policia publikon emrat e atyre që japin informacione atëherë të gjithë do të friksoheshin t’i lajmrojnë zullumqarët, nga frika se pastaj ata do t’i malltretojnë fizikisht etj.
Nevojitet që shpërndarësit e drogës të këshillohen ky duhet të jetë synimi kryesorë, në të kundërtën nëse nuk mbledhin mend atëherë e kemi për obligim t’i lajmrojmë në polici qofshin ata edhe të afërmit tanë.
Dhe në fund!
Allahu është më i Dituri!.
Shejh Muhamed bin Salih El-Uthejmin, -Allahu e mëshiroftë!-.
Nga arabishtja: Suad B. Shabani
