Pyetje: I nderuari hoxhë!
Cila është dispozita e sheriatit islam në lidhje me dhënien e lokaleve me qira nëse aty shiten cigare, kaseta muzikore, video kaseta ku ka filma pornografik apo për hapjen e ndonjë banke e cila punon me kamatë?!
Përgjigje:
Dispozita e sheriatit islam në lidhje me dhënien e lokaleve me qira për qëllimet e lartëpërmendura shihet qartazi në fjalët e Allahut,- xhele veala!,- ku thotë:
وَتَعَاوَنُوا عَلَى الْبِرِّ وَالتَّقْوَىٰ ۖ وَلَا تَعَاوَنُوا عَلَى الْإِثْمِ وَالْعُدْوَانِ ۚ وَاتَّقُوا اللَّـهَ ۖ إِنَّ اللَّـهَ شَدِيدُ الْعِقَابِ ﴿٢﴾
”Ndihmoni njëri-tjetrit në punë të mira dhe në të ruajturit nga të këqijat, dhe mos ndihmoni në mëkate dhe armiqësi!
Dhe Frikësojuni Allahut!
Se, Allahu, dënon ashpër”.
(Kur’an: El Maide: 2).
Dhe mu për këtë arsye dhënia e lokaleve me qira për qëllimet e lartëpërmendura është rreptësisht e ndaluar (haram) në sheriatin islam, sepse kjo llogaritet ndihmë dhe pjesëmarrje në mëkate dhe armiqësi.
Allahu është më i Dituri!.
Shejh Muhamed bin Salih El-Uthejmin, -Allahu e mëshiroftë!-.
Nga arabishtja: Suad B. Shabani
