Pyetje:
I nderuari Hoxhë!
A lejohet të japim selam me fjalët: ‘’Eselamu ala menit tebeal huda (paqja dhe bekimi i Allahut qoftë mbi pasuesit e udhëzimit)’’, si dhe si t’i japim selam atyre në mesin e të cilëve ka muslimanë por edhe mosbesimtarë?
Përgjigje:
Me fjalët e lartpërmendura nuk lejohet t’i japim selam muslimanëve, sepse ato fjalë Muhamedi,- salallahu alejhi ve selem!,- i ka përdorur në momentet kur u dërgonte letra mosbesimtarëve.
Vëllaut musliman i jepet selam duke i thënë:
‘’Es Selamu Alejkum’’.
Ndërsa me fjalët:
‘’Eselamu ala menit tebeal huda (paqja dhe bekimi i Allahut qoftë mbi pasuesit e udhëzimit)’’, mund t’i thuash personave të cilët nuk janë musliman ose nuk e pasojnë rrugën e udhëzimit.
Kurse sa i përket asaj se:
Si duhet muslimani t’i përshëndes me selam nëse aty gjenden edhe muslimanë edhe jomuslimanë, në këtë rast thuhet vetëm:
‘’Es Selamu Alejkum’’, duke thënë këtë vetëm për muslimanët .
Allahu është më i Dituri!
Mexhmu’u fetava ve resail, 3/35.
Shejh Muhamed bin Salih el Uthejmin,- Allahu e mëshiroftë!
Nga arabishtja: Suad B. Shabani
