Pyetje:
Shejh i nderuar! Kohëve të fundit në mesin tonë është përhapur festimi i Ditës së Valentinit (Ditës së dashuruarëve), posaqërisht në mesin e studenteve të gjinisë femrore.
Kjo është njëra nga shumë festat e Krishterëve.
Sa i përket veshjesë së rrobave dhe këpucëve ato duhet të jenë të gjitha me ngjyrë të kuqe.
Pastaj, ata i dhurojnë njëri tjetrit lule të kuqe etj.
Dhe, ne shpresojmë nga dituria juaj që të na dhuroni një shpjegim lidhur me dispozitën e festimit të kësaj feste.
Në fund, cila është këshilla juaj për muslimanët rreth këtyre gjërave, Allahu ju ruajt dhe nderoftë?
Përgjigje:
Vëllezër dhe motra të nderuara!
Sa i përket asaj se a lejohet festimi i festës së dashurisë apo jo në Sheriatin Islam?
Festimi i ditës së Valentinit ndalohet në sheriatin islam për disa shkaqe:
1: Se Dita e Dashurisë është një festë e shpikur e cila nuk ka asnjë bazë në Kur’an apo Sunet.
2: Kjo festë thërret njerëzit drejtë shthurjes dhe shfrenimit të epsheve dhe pasioneve.
3: Dita e Dashurisë thërret njerëzit që të merren me angazhimin dhe preokupimin e zemrës me kësilloj gjërash! Eh, këto gjëra janë shumë të parëndësishme për të mirën e njerëzve dhe bien në kundërshtim të plotë dhe të qartë me udhëzimin e pastër të të parëve tanë të mirë e të ndershëm,- Allahu qoftë i kënaqur me ta!-.
Andaj, ti si musliman (e), duhet ta dish që e ke të ndaluar festimin e kësaj feste, e në kuadër të saj hynë edhe: Ushqimi, pija, veshja rrobave me të kuqe të njejtën ditë, shkëmbimi i dhuratave, apo çdo gjë tjetër e cila veprohet në emër dhe rrespekt ndaj ditë së dashurisë.
Duhet ta dini se, është obligim për çdo musliman (e) të dallohet dhe të krenohet me fenë e tij të pastër Islame dhe të mos tregohet i pamoralë në çaste të ndryshme e të ndjekë çdo njeri që thërret në shfrenim te epsheve apo praktimin e gjërave të shpikura në Fe.
Në fund, unë i lutem Allahut,- Xhele veala!,- që ti ruajë të gjithë muslimanët prej këtyre fitneve, qofshin ato të dukshme apo të padukshme. Dhe lusim Allahun të na ruajë me Kujdesin dhe Ndihmën e Tij.
Allahu është më i Dituri.
Atij i takon gjithë Hamdi dhe Lavdi.
Shejh Muhamed bin Salih El-Uthejmin, -Allahu e mëshiroftë!-.
Nga arabishtja: Suad B. Shabani
