Pyetje:
A lejohet që motra muslimane të dale pa mahrem në treg?
Përgjigje:
Në bazë lejohet dhe ska argument që e ndalon motrën muslimane të dale në treg (pazar) vetëm, do të thotë se nuk kushtzohet mahremi, përpos nëse i frikësohet fitnes (dmth nuk është vend i qetë, sigurtë).
Nëse është fitne (bukuria motrës,vend i pasigurt etj) dalja e motrës në treg vetmas, atëherë në këtë rast, motra e ka të ndaluar të dalë vetëm në pazar, obligohet që të marrë me vete një mahrem i cili do ta shoqërojë dhe ta mbrojë e ta ruajë atë nga fitnet.
Duhet të dinë motra se kusht për lejimin e daljes në treg, është që motra duhet të mos jetë e pambuluar dhe e parfymosur, e nëse del e pambuluar dhe e parfymosur, atëherë asaj nuk i lejohet që të dalë, duke u bazuar në thënien e Muhamedit,- alejhi selam!,-:
لا تمنعوا إماء الله مساجد الله و ليخرجن تفلات
“Mos i ndaloni robëreshat e Allahut nga xhamiat; le të dalin të pazbukuruara e të paparfymosura.”
(Shënojnë Ahmedi dhe Ebu Davudi, hadithi është hasen sahih).
Dalja e motrës duke qënë e pambuluar dhe e parfymosur, është fitne për motrën dhe do të bie në fitne të ndryshme nga disa burra të ligë.
Mirëpo, nëse motra është e siguruar prej fitnes dhe del ashtu siç kërkohet dhe duhet, e mbuluar dhe e paparfymosur, atëherë në këtë rast dalja në treg nuk është e ndaluar.
Në fund ju rikujtojmë se, edhe gratë në kohën e Pejgamberit,- alejhi selam!,- dilnin nëpër tregje dhe nevoja të tyre tjera pa mahrem (burrë, djalë, vëlla, babë etj).
Shejh Muhamed bin Salih El-Uthejmin, -Allahu e mëshiroftë!-.
Nga arabishtja: Suad B. Shabani
