Pyetja:
Cila është dispozita e marrjes së pilulave (kokrrave), të cilat nëse përdoren ia ndalojnë menstruacionet motrës muslimane, pra në mënyrë që edhe ajo të agjërojë bashk me njerëzit?
Përgjigje:
Ne i drejtohemi të gjitha motrave të largohen nga përdorimi i këtyre pilulave sepse ato e dëmtojnë shumë shëndetin e motrës, dhe këtë nuk e them nga vetja ime, porse e kam të vërtetuar nga disa mjek të besueshem dhe të sigurtë.
Unë i them motrës në fjalë, mos u brengos se ky është caktim i Allahut për gratë, andaj pajtohu dhe kënaqu me atë që të ka caktuar Allahu.
Motër, agjëro atëherë kur ke mundësi dhe nuk të pengon asgjë nga agjërimi, e nëse të vjenë diçka që të pengon nga agjërimi, atëherë edhe me këtë tregohu se je e kënaqur me atë që ka caktuar Allahu.
Allahu është më i Dituri.
Shejh Muhamed bin Salih El-Uthejmin, -Allahu e mëshiroftë!-.
Nga arabishtja: Suad B. Shabani
