Pyetja:
A ka dallim mes verës (alkoolit) të kësaj bote dhe botës tjetër!?
Përgjigjja:
Po. Allahu,- xhele veala!,- e përshkruan verën në botën tjetër ndryshe nga vera e kësaj bote.
Allahu,- xhele veala!,- në Librin e Tij Famëlartë, thotë:
يُطَافُ عَلَيْهِم بِكَأْسٍ مِّن مَّعِينٍ ﴿٤٥﴾ بَيْضَاءَ لَذَّةٍ لِّلشَّارِبِينَ ﴿٤٦﴾ لَا فِيهَا غَوْلٌ وَلَا هُمْ عَنْهَا يُنزَفُونَ ﴿٤٧﴾ وَعِندَهُمْ قَاصِرَاتُ الطَّرْفِ عِينٌ
”Ata do të shërbehen me pije nga burimi që do të rrjedhë gjithmonë, (me pije) të bardhë (verë) e të shijshme për ata që do ta pijnë, me të (verën), nuk do të trullosen dhe prej saj nuk do të dehen”. ” 1
Allahu,- azze vexhel!,- e përshkruan verën në botën tjetër si:
1. Verë e bardhë..
2. Verë e shijshme për ata që e pinë, ndryshe nga vera e kësaj bote, e cila nuk ka shije kur ajo pihet.
3. Verë e cila nuk shkakton dëm (dhimbje koke, nuk të dehë, nuk është mëkat pirja e saj) nga e cila është i ndikuar ai që e pinë në këtë botë, përkatësisht dhimbje koke, stomaku si dhe humbje të mendjes .
Allahu,- xhele veala!,- në lidhje me këtë që cekëm më lartë, thotë:
لَّا يُصَدَّعُونَ عَنْهَا وَلَا يُنزِفُونَ
”Prej së cilës pije (vere) as nuk i dhemb koka.” 2
D.m.th. ata që pine këtë verë nuk do të kenë dhimbje koke nga ajo ”e as nuk do të dehen” -ndryshe nga vera e kësaj bote, e cila shkakton humbjen e mendjes, dhimbje etj.
Allahu është më i Dituri!.
1.Kuran: ES SAFFAT, 45-47.
2.Kuran: EL VAKIA, 19.
Shejh Muhamed bin Salih El-Uthejmin, -Allahu e mëshiroftë!-.
Nga arabishtja: Suad B. Shabani
