Fetva nr. 278

Pyetja:
Hoxhë i nderuar! Unë kam ndëgjuar nga disa persona se kemi mundësi të sigurojmë ato që posdedojmë nga pasuritë e tona dhe nëse ndodhë ndonjë aksident apo diçka tjetër në pasuritë e siguruara, atëherë kompania të jep kompenzime për gjërat që i kemi dëmtuar apo shkatërruar.
Andaj ju lutemi shejh, na sqaroni se a lejohet ky lloj i sigurimit si dhe a ka prej sigurimeve të cilat disa prej tyre janë të lejuara e disa të ndaluara!?

Përgjigjja:

Sa i përket sigurimit, ai do të thotë që njeriu duhet ti paguajë kompanisë një sasi të hollash të caktuara nga kompania qofshin ato mujore apo edhe vjetore, për arsye të sigurimit nga ana e kompanisë në rast aksidenti të atyre gjërave të cilat janë të sigurara në kompani.
Ne kemi thënë më herët se ai që paguan sigurimin është i humbur çdo aspekt, ndërsa kompania e sigurimit mund të dale fitimtare por edhe e humbur në disa raste.
Nëse aksidenti ose dëmi është më i madh nga ajo se çka ka paguar njeriu, atëherë në këtë rast kompania do të dalë me humbje të dukshme, e nëse aksidenti është më i vogël nga ajo se çka ka paguar personi, apo edhe mundet që kurrë nuk ndodhë aksident, kompania del me fitim dhe i siguruari (personi) del i humbur.
Dhe në fund!
Duhet ta dini se ky lloj akti në të cilin njeriu sillet mes humbjes dhe fitimit llogaritet prej bixhozit të cilin e ka ndaluar Allahu,- xhele veala!.
Allahu,- xhele veala!,- bixhozin e ka përmendur sëbashku me alkoolin dhe adhurimin e idhujve, dhe si rrjedhojë e kësaj ky lloj sigurimi është i ndaluar në Fenë Islame.
Unë nuk di ndonjë lloj të sigurimit i cili është i ngritur mbi përfundimin e panjohur- e ky lloj sigurimi të jetë i lejuar, përkundrazi ai është i tëri i ndaluar, për shkak të hadithit të Ebu Hurejrës,- Allahu qoftë i kënaqur prej tij!,- se Muhamedi,- salallahu alejhi ve sel-lem!,-: “Ka ndaluar nga shitjblerja që ka përfundim të panjohur.” Shënon Imam Muslimi,- Allahu qoftë i kënaqur me të!
Allahu është më i Dituri!.

Shejh Muhamed bin Salih El-Uthejmin, -Allahu e mëshiroftë!-.
Nga arabishtja: Suad B. Shabani