Sa i mjeri që është i biri i Ademit!
Goditet me tri fatkeqësi, brenda ditës dhe natës, dhe nuk merr mësim nga asnjëra nga to!
– Fatkeqësia e parë:
Vitet i shkurtohen për çdo ditë, dhe ditën kur i shkurtohet viti i tij, ai nuk mërzitet! Kurse kur i pakësohet diçka nga pasuria, pikëllohet tepër!
Pasuria zëvendësohet, kurse vitet nuk kthehen!
– Fatkeqësia e dytë:
Për çdo ditë ushqehet nga furnizimi i Allahut; dhe nëse është furnizim nga hallalli, do të llogaritet për të, kurse nëse është nga harami, do të ndëshkohet për të!
I mjeri, nuk e di përfundimin e llogaritjes së tij, Ditën e Kiametit!!
– Fatkeqësia e tretë:
Për çdo ditë, i afrohet nga pak ahiretit, dhe i largohet nga pak dynjasë!!
Edhe përskaj këtij fakti, ai nuk brengoset për ahiretin e përhershëm, aq sa i kushton rëndësi dynjasë kalimtare!
Dhe ai nuk e dinë, se a do të jetë përfundimi i tij në Xhenetin e Allahut, apo në Xhehenemin e mallkuar!
Nga arabishtja: Irfan JAHIU
