Me një transmetim tjetër ka ardhur: “Prej veprave më të mira janë: futja e gëzimit tek besimtari, shlyerja e borxhit të tij, plotësimi i nevojës dhe lehtësimi i brengës së tij.” (2)
Madje sadakaja krenohet dhe lavdërohet para veprave tjera. Omer ibën Hatabi, Allahu qoftë i kënaqur prej tij, rreth saj thoshte: ‘Veprat lavdërohen njëra para tjetrës dhe lëmosha ju thotë: Unë jam më e mira në mesin tuaj.’ (3)
Pozitën e lartë që e zë sadakaja reflektohet edhe tek sadakadhënësi, ai është në një pozitë të lartë, ashtu siç i Dërguari i Allahut, lavdia dhe paqja e Allahut qofshin mbi të, tha: “Dynjaja është për katër veta: Një rob që Allahu e ka furnizuar me pasuri dhe me dituri. Ai i shfrytëzon ato dhe ka frikë respekt ndaj Zotit të tij në to. Me to mban lidhjet farefisnore, e mëson të drejtën (hakun) e Zotit në to. Kjo është pozita më e vlefshme (në Xhenet)…” (4)
Sadakadhënësi llogaritet dora e epërme, ashtu siç lajmëroi i Dërguari i Allahut, lavdia dhe paqja e Allahut qofshin mbi të, dhe tha: “Dora e epërme është më e mirë se sa dora e poshtme. Dora e epërme është ajo që jep, kurse e poshtme është ajo që kërkon.” (5)
Sadakadhënësi llogaritet ndër më të mirit në mesin e njerëzve për shkak dobisë që ua bën të tjerëve. Ka ardhur me një hadith se i Dërguari i Allahut, lavdia dhe paqja e Allahut qofshin mbi të, ka thënë: “Më i miri prej njerëzve është ai më dobiprurësi për ta .” (6)
Sadakadhënësi në ahiret bën pjesë në mesin e bamirësve dhe për këtë aludon hadithi i të Dërguarit të Allahut, lavdia dhe paqja e Allahut qofshin mbi të: “Bamirësit në dynja do të jenë edhe bamirësit e ahiretit.” (7)
Pozitën e lartë që e zë sadakadhënësi nuk përkufizohet vetëm se me botën tjetër, por ajo pozitë e përfshin edhe në dynja. Andaj, kush dorën e liron do sundon, kurse kush dorën e shtrëngon do poshtërohet.
Madje Muhamed ibën Hibani, Allahu e mëshiroftë, tha: ‘Kushdo që sundoi dhe udhëhoqi në periudhën e para Islamit dhe të Islamit derisa u njoh me sundim dhe populli i nënshtrohej dhe për tek ai udhëtonin i largëti dhe i afërmi, nuk mundi ta arrin përsosmërinë e këtij sundimi përveçse me ushqimin e të varfrit dhe me nderimin e mysafirit.’ (8)
Sadakadhënësi është mbi atë që e merr sadakanë derisa thuhet: ‘Sadakadhënësi e merr peng falënderimin dhe me sadakanë e tij e robëron të lirin.’ (9)
Prandaj ibën Semaki thoshte: ‘Çudi me atë njeri që me pasuri i blen skllevërit dhe me mirësi nuk i blen të lirët!’ (10)
Nga arabishtja: Irfan JAHIU
————————————————————————-
(1) Kada El Hevaixh, Ibën Ebi Dunja, 40/36; shejh Albani hadithin e vlerësoi si të saktë në Sahih El Xhami 1/97 numri hadithit 176.
(2)Shuab El Iman, Imam El Bejhakiu 6/123, numri hadithit 7679; shejh Albani e vlerësoi si të saktë në Sahih El Xhami 2/1025, numri hadithit 5897.
(3)Sahih Ibën El Huzejme 4/95, numri hadithit 2433; Mustedrek, Imam Hakimi 1/416 dhe tha ky hadith është i saktë sipas kritereve të dy imamëve, Buhariut dhe Muslimit, mirëpo ata nuk e kanë nxjerrë hadithin.
(4)Xhamiu Et Tirmidhij 4/562-563, nr. 2325 dhe tha hadithi është hasen sahih; shejh Albani e saktësoi në Sahih Et Tirmidhij 2/270, nr. 1894.
(5)Sahih Muslim 1/717, nr. 1033.
(6) Shuab El Iman, Imam El Bejhakiu 6/117, numri hadithit 7658; shejh Albani e vlerësoi si të mirë në Sahih El Xhami 1/623, numri hadithit 3289.
(7) El Edebu El Mufred, Buhariu, fq.86, nr. 221; shejh Albani e saktësoi në Sahih El Xhami, 1/407, nr. 2031.
(8) Reudatul Ukala, Ibën Hiban, fq. 214.
(9) Shih: El Adab Esh Sher’ijeh, Ibën Muflih 1/310.
(10)Reudatl Ukala, Ibën Hiban, fq. 195.
