1. Si quhej sahabiu i cili erdhi nga Abisinia për të marrë pjesë në luftën e Hajberit bashkë me pejgamberin alejhi selam, ardhja e këtij sahabiu e gëzoi shumë pejgamberin alejhi selam, si dhe çfarê tha pejgamberi alejhi selam në lidhje me këtë!?
1. – Sahabiu quhej Xhafer ibn Ebi Talib,- Allahu qoftë i kënaqur me të!,- i cili qëndroi në Abisini 10vite. Kur ndëgjoi për luftën e Hajberit nuk ngurroi aspak dhe erdhi t’u bashkangjitet shokëve tê tij dhe pejgamberit alejhi selam në këtë luftê. Kur e takoi pejgamberi alejhi selam e përqafoi dhe i tha: ” Nuk e di se në lidhje me çka u gëzova më shumë, me çlirimin(fitoren, pushtimin) e Hajberit apo me ardhjen e Xhafer ibn ebi Talib.
2. Kush e barte flamurin në luftën e Hajberit!?
2.- Ali ibn Ebi Talibi,- Allahu qoftë i kënaqur me të.
3. Kush ishte sahabiu i cili i rekomandoi pejgamberit alejhi selam një pozicion më të mirë strategjik pêr ushtrinë muslimane në luftën e Hajberit!?
3. – Habab ibn Mundhiri,- Allahu qoftë i kënaqur me të.
4. Sa ishte numri i ushtrisë muslimane në luftën e Hajberit!?
4. – Numri i ushtrisë muslimane në luftën e Hajberit ishte 1400ushtarë.
5. Në cilin muaj dhe vitë u zhvillua lufta e Hajberit!?
5. – Lufta e Hajberit u zhvillua në muajin Muharrem në vitin e 7 Hixhri.
6. Kush ishin mbretërit të cilëve pejgamberi alejhi selam u dërgoi letra (mesazhe, ftesë për pranimin e islamit) !?
6. – 1. Nexhashiut(mbretit të Abisinisë). 2. Kisrait(mbretit të Persisë). 3. Cezarit( mbretit të Romakëve). 4. Mukaukisit(mbretit tê Egjiptit). 5. Xhejferit(mbretit të Omanit). 6. Mundhir ibn Saufit(mbretit të Bahreinit). 7. Heuzet bin Aliut(mbretit të Jemames). 8. Harith ibn ebi Shimru el Gasaniut(mbretit të mbretërisë së Gasanisë, me seli(qendër)në Damask.
7. Cilat ishin kushtet e marrëveshjes së paqes të cilën e arritën muslimanët me kurejshët në luftën e Hudejbijes!?
7. – Për t’u arritur marrëveshja për paqe në luftën e Hudejbijes ishin këto kushte: 1. Kthimi i pejgamberit alejhi selam në Medine, dhe mos-hyrja në Mekë atë vitë , por vitin e ardhshëm. 2. Kush dëshiron të lidhë marrëveshje me pejgamberin alejhi selam, mund ta bêj këtë, njashtu kush dëshiron me kurejshët êshtë i lirë ta bëjë. 3. Kush shkel marrëveshjen e kurejshêve dhe shkonte te pejgamberi alejhi selam, atëherë detyrohej t’i kthehej prap kurejshëve. Ndërsa, kush shkelte marrëveshjen e pejgamberit alejhi selam dhe i bashkangjitej kurejshëve, pêr të nuk kishte kthim mbrapa por qëndronte me kurejshët. 4. Ndërprerja e luftêrave ndërmjet kurejshëve dhe muslimanëve pêr një periudhë 10vjeçare.
8. Kur u zhvillua beteja(lufta) Benu Mustalak !?
8. – Muajin Sha’ban, vitin e 6hixhrij.
9. Kur u zhvillua beteja Benu Lihjan dhe sa ushtarë kishte ushtria muslimane në këtë luftë!?
9. – Në vitin e 6hixhrij. Numri i ushtrisë muslimane ishte afro 200luftëtarë(muxhahida).
10. Sa ishte numri i shehidëve dhe ushtarëve jahuditë të vrarë në betejën e Benu Kurejdhês!?
10. – Numri i shehidëve(nga ana ushtrisë muslimane) në këtë betejë ishte vetëm dy të vrarë, kurse nga ana jahudive ishin të vrarë afro 700ushtarë.
11. Cila sure Kur’anore flet për betejën e Ahzabit dhe Benu Kurejdhës!?
11. – Sureja el Ahzab.
12. Sa ishte numri i ushtrisë muslimane e cila doli me pejgamberin alejhi selam për t’i rrethuar Benu Kurejdhët!?
12. – 3000 ushtarë.
13. Sa ishte numri i shehidëve muslimanë të vrarë në betejën e Ahzabit dhe sa pabesimtarë u vranë në këtë betejë!?
13. – Numri i shehidëve ishte 6, kurse pabesimtarë u vranë 10ushtarë, shumica prej tyre u vranë nga shtizat(të cilat i gjuanin ushtria muslimane në drejtim të ushtrisë pabesimtare).
14. Kur u zhvillua beteje e Ahzabit!?
14. – Në muajin Sheual të vitit 5hixhrij.
15. Si quhej sahabiu i cili u goditë me shigjetë në shpindë e shigjeta i doli nëpër gjoks dhe para se të vdiste si shehid tha: ” Ia dola(arrita qëllimin final shehidllëkun) pasha Zotin e Qabes.” !?
15. – Haram ibn Milhan,- Allahu qoftë i kënaqur me të.
16. Kur u zhvillua beteja Deumetul Xhendel!?
16. – Në muajin rebiul euel të vitit 5hixhrij.
17. Cila sure Kuranore flet për betejën Benu Nedir!?
17. – Sureja el Hashr.
18. Kur u zhvillua beteja në Benu Nedir!?
18. – Në muajin rebiul euel të vitit 4 hixhrij.
19. Cila sure Kuranore flet për betejën e Uhudit!?
19. – Sureja Ali Imran.
20. Sa shehid ranë në betejën e Uhudit dhe sa pabesimtarë u vranë në këtë betejë!?
20. – Numri i shehidëve ishte 70, kurse i pabesimtarëve të vrarë në betejën e Uhudit ishte 37.
AUTOR: FET-HURR RRAHMAN MUHAMED HASEN EL XHEMIL
NGA ARABISHTJA: SUAD B. SHABANI
