1. Cilat janë llojet e Teuekulit ?
– Llojet e Teuekulit janë tre, e ato janë:
1. Teuekuli (mbështetja) në Allahun në të gjitha punët.
2. Teuekuli (mbështetja)
në njerëz, por në gjëra që nuk ka mundësi t’i kryej askush pos Allahut (Ky lloj i teuekulit është Shirk i Madh).
3. Teuekuli (mbështetja) në njerëz në gjëra që kanë mundësi t’i kryejnë, siç janë: tregtia, etj. (Kjo mbështetje është e lejuar).
2. Cili është shkaku i zbritjes së sures El Kafirun?
– Shkaku i zbritjes është se pabesimtarët kërkuan nga pejgamberi alejhi selam që të bëjnë marrëveshje:
Një vit të adhurojnë Allahun dhe një vit të adhurojnë zotërat e tyre apo idhujt.
Allahu e urdhëroi Muhamedin alejhi selam t’u përgjigjet atyre në këtë mënyrë:
ِ قُلْ يَا أَيُّهَا الْكَافِرُون لَا أَعْبُدُ مَا تَعْبُدُونَ
وَلَا أَنْتُمْ عَابِدُونَ مَا أَعْبُدُ وَلَا أَنَا عَابِدٌ مَا عَبَدْتُمْ وَلَا أَنْتُمْ عَابِدُونَ مَا أَعْبُدُ
لَكُمْ دِينُكُمْ وَلِيَ دِينِ َ
Thuaj: “O ju mohues! Unë nuk do ta adhurojë atë, që po e adhuroni ju, e as ju nuk do ta adhuroni Atë që po e adhuroj unë; por, edhe ju nuk e keni adhuruar Atë, që po e adhuroj unë.
Ju keni besimin tuaj, e unë kam besimin tim!.”
(Kafirun: 1-6).
3. Çfarë nënkuptojmë me Isra dhe Miraxh?
– 1. Isra është udhëtimi i Muhamedit alejhi selam me Burakun prej Mekes në Kuds (Palestinë) në mbrëmje.
2. Miraxh është ngritja e Muhamedit alejhi selam në qiellin e shtatë në shoqërimin e Xhibrilit alejhi selam si dhe kthyerja në Meke po atë natë (në të njejtë natë).
4. Cilat janë shtyllat e kufrit?
– Shtyllat e kufrit (mosbesimit) janë katër:
1) Mendjemadhësia e cila e pengon njeriun nga bindja dhe dorzimi;
2) Zilia e cila e pengon njeriun nga pranimi i këshillës dhe dhënia e saj;
3) Zemërimi i cili e pengon njeriun nga mbajtja e drejtësisë;
4) Epshet të cilat e pengojn njeriun nga përkushtimi për të kryer adhurimet e Allahut.
5. Cila është dispozita e Namazit të Xhumasë?
– Namazi i Xhumasë është farz ajn për çdo musliman(të gjinis mashkullore) i cili është në moshën madhore, i mençur dhe vendas.
6. Sa tekbire i ka namazi i xhenazes dhe çfar këndohet në çdo tekbir?
– Namazi i xhenazes i ka katër tekbire:
1.Në tekbirin e parë lexohet sureja el fatiha (elhami).
2. Në tekbirin e dytë lexohen salavatet.
3. Në tekbirin e tretë lexohet duaja për të vdekurin.
4. Në fund merret tekbiri i katërt dhe japim selam vetëm në anën e djathtë.
7. Cilat janë shtyllat e Haxhit?
– Shtyllat e haxhit janë:
1. Ihrami.
2. Qëndrimi në Arafat.
3. Tauafi Ifada
4. Sa’ji.
8. Cilat janë shtyllate Umres?
– Shtyllat e Umres janë:
1. Ihrami.
2. Tauafi.
3. Sa’ji.
9. Cilat janë gjërat që e prishin agjërimin?
– Gjërat që e prishin agjërimin janë:
1. Mardhëniet seksuale.
2. Nxjerrja e spermës me qëllim ose mastrubimi.
3. Ngrënia dhe pirja me qëllim.
4. Hixhameja(apo nxjerrja e gjakut me shumicë).
5. Vjellja me qëllim.
10. Cfarë shpërblimi ka ai i cili agjëron 6ditët e Sheualit?
– Muhamedi,- alejhi selam!-, ka thënë:
” Kush e agjëron ramazanin dhe e pason (agjërimin e tij) me 6ditët e sheualit është
(i llogaritet atij) sikur të ketë agjëruar tërë vitin.”
11. Çfarê shpërblimi ka ai i cili e lexon 10herê suren el ihlas?
– Muhamedi,- alejhi selam!,- ka thënë:
” Kush e lexon suren el ihlas 10 herë, Allahu atij do t’i ndërtoj një shtëpi në Xhenet.”
قُلْ هُوَ اللَّهُ أَحَد . اللَّهُ الصَّمَدُ . لَمْ يَلِدْ وَلَمْ يُولَدْ . وَلَمْ يَكُنْ لَهُ كُفُوًا أَحَد .
Thuaj: “ Allahu është Një!
Allahut i drejtohen për çdo gjë! (Ai) nuk ka lindur prej ndokujt, as nuk ka lindur kë,
dhe askush nuk i gjason Atij!.” (El Ihlas : 1-4).
12. Çfarë shpërblimi ka gruaja e cila i bindet burrit të saj dhe burri i saj ndahet i kënaqur me të ?
– Muhamedi,- alejhi selam!,- ka thënë:
” Cilado femër e cila vdes dhe burri i saj ndahet i kënaqur me të, (ajo) do të hyjë në Xhenet.”
13. Cila është vlera e këshillimit mes vete të muslimanëve?
– Muhamedi,- alejhi selam!,- ka thënë:
” Nuk ka mundësi qê të takohen muslimanët e ta këshillojnë njëri tjetrin e që(Allahu) mos t’u falen atyre mëkatet para se të dalin nga takimi apo mexhlisi ku janë tubuar.”
14. Çfarë shpërblimi ka ai i cili udhëzon në punë të mira?
– Muhamedi,- alejhi selam!,- ka thënë:
” Kush udhëzon në punê tê mira atij do t’i takoj shpërblimi i vepruesëve të saj (që ky i ka orientu në ato punë tê mira).”
15. Çfarë shpërblimi ka ai i cili ia kërkon shehidllëkun me sinqeritet Allahut?
– Muhamedi,- alejhi selam!,- ka thënë:
” Kush ia kërkon shehidllëkun Allahut me sinqeritet, Allahu do t’i dhurojë pozitën e shehidëve (ditën e gjykimit) edhe nëse ky vdesë në shtratin e tij.”
16. Çfarë shpërblimi ka ai i cili i falë farzet e namazit me xhemat?
– Muhamedi,- alejhi selam!,- ka thënë:
“Falja e namazit me xhemat ështê më me vlerë sesa falja e namazit vetëm për 27 shkallë (gradë).”
17. Çfarë shpërblimi ka i cili shkon në xhami?
– Muhamedi,- alejhi selam!,- ka thënë:
” Kush shkon në xhami(për ta falë namazin me xhemat) atij do t’i shlyhet një mëkat dhe do t’i shkruhet një sevap për cďo hap që e bën gjatë shkuarjes në xhami dhe gjatë kthyerjes nga ajo.”
18. Çfarë shpërblimi ka ai i cili i don njerëzit e mirë?
– Muhamedi,- alejhi selam!,- ka thënë:
“Ti do të jesh me atë që e do.”
Apo hadithi tjetër:
“Kush e do një popull do të rringjallet me ta.”
19. Çfarë shpërblimi ka ai i cili agjëron një ditë për hirë të Allahut?
– Muhamedi,- alejhi selam!,- ka thënë:
“Kush agjëron një ditë për hirê të Allahut, Allahu do t’ia largoj atij fytyrën e tij nga zjarri Xhehenemit për 70pranvera.”
AUTORI: SAMI ABDURRAHMAN KUBAXHE
NGA ARABISHTJA: SUAD BURHAN SHABANI.
