Pyetje:
Dy tre fjalë rreth sqarimit të dispozitës së rruarjes dhe lëshimit të mjekrrës?
Përgjigje:
Muhamedi alejhi selam, krijesa më e dashur tek Allahu xhele ue ala, të cilin jemi të urdhëruar ta pasojmë dhe të kapemi fortë për sunetin dhe udhëzimet e tij , e ka lëshuar dhe bartur mjekrrën (nuk e ka shkurtuar asnjëherë), andaj ne duhet ta pasojmë sunetin e tij, sepse Allahu na ka tërhequr vërejtjen nga kundërshtimi i pasimit të sunetit të tij.
Allahu xhele ue ala, ka thënë:
فَلْيَحْذَرِ الَّذِينَ يُخَالِفُونَ عَنْ أَمْرِهِ أَنْ تُصِيبَهُمْ فِتْنَةٌ أَوْ يُصِيبَهُمْ عَذَابٌ أَلِيم.
” Le të kenë frikë (Allahun) ata që e kundërshtojnë urdhërin e tij (Muhamedit), që të mos i arrijë ndonjë sprovë ose që të mos i godas ata dënimi i dhembshëm.”
(En Nurë: 63).
Pra, mjerë për ata që rruajnë mjekrat e tyre, le ta dinë që janë në kundërshtim të plotë me sunetin e Muhamedit alejhi selam, le të kenë frikë se ka mundësi t’i kaplon dënimi dhe hidhërimi i Allahut.
Mjekra njëherit është shenjë e burrërisë, gjithashtu mjekra është bukuria e mashkëllit, etj.
Të gjithë dijetarët kanë thënë se rruajtja e mjekrrës është haram, kurse kanë mendime të ndryshme rreth asaj se a lejohet shkurtimi i mjekrrës apo nuk lejohet.
Të gjitha hadithet kanë ardhur në mënyrë urdhërore rreth lëshimit të mjekrrës.
Muhamedi alejhi selam, ka thënë:
حفوا الشوارب واعفوا الحى خالفوا المجوس.
“Shkurtoni mustaqet dhe lëshoni mjekrrat, kundërshtoni mexhusët.”
(Buhariu: 5892, Muslimi: 54/257, 55/260).
“Kundërshtoni mushrikët, shkurtoni mustaqet dhe lëshoni mjekrrat.”
(Buhariu dhe Muslimi).
“Shkurtoni mustaqet dhe lëshoni mjekrrat.
Me këtë veprim ju kundërshtoni Hebrenjët dhe Krishterët(Ehlul Kitabët).”
(Muslimi, Ebu Dabudi, Tirmidhiu, Nesaiu dhe Ibn Maxhe).
” Dhjetë gjëra janë prej natyrshmërisë, një ndër dhjetë prej tyre është: shkurtimi i mustaqeve dhe lëshimi i mjekrrës.”
(Muslimi).
Ibn Hazmi rahimehullah ka thënë:
”Dijetarët kanë ra në ujdi se rruajtja e mjekrrës është deformim i cili nuk lejohet”.
Shejhul Islam Ibn Tejmije, rahimehullah, ka thënë:
”Ndalohet rruajtja e mjekrrës”.
Ibn Abidini rahimehullah, – njëri prej dijetarëve të mëdhenj të medh’hebit hanefi, ka thënë: ”Meshkujve u ndalohet shkurtimi i mjekrrës.”
Shejh Abdullah el Humejdi, rahimehullah.
Nga arabishtja: Suad Shabani
Pyetje:
A lejohet rruarja e mjekrrës dhe shkurtimi i saj, si dhe a lejohet rruarja e mustaqeve ose shkurtimi i tyre?
Përgjigje:
Nuk lejohet rruarja e mjekrrës, ky është unanim tek të gjithë dijetarët.
Njashtu, shumë prej ulemave mendojnë se nuk lejohet as shkurtimi i mjekrrës (pra, duhet të lihet ashtu siç është, nuk duhet shkurtuar fare).
Mirëpo, Ibn Omeri radijAllahu anhu nëse kryente haxhin apo umren e shkurtonte mjekrrën deri në kabda (deri në një grusht), ky veprim lejohet vetëm nëse kryen haxhin apo umren, sipas veprimit të Ibn Omerit (përndryshe mjekrra nuk lejohet të shkurtohet në rastet tjera).
Kurse, mustaqet duhet të shkurtohen (e jo të rruhen tërësisht).
Muhamedi alejhi selam, ka thënë:
حفوا الشوارب واعفوا الحى خالفوا المجوس.
“Shkurtoni mustaqet dhe lëshoni mjekrrat, kundërshtoni mexhusët.”
(Buhariu: 5892, Muslimi: 54/257, 55/260).
Shejh Abdullah el Humejdi, rahimehullah.
Nga arabishtja: Suad Shabani
