Pyetje:
Cila është dispozita e sadakatul fitrit, kur jipet (nxirret), dhe a ka ndonjë medh’heb që lejon nxjerrjen apo dhënien e sadakatul fitrit në para (të holla)?
Përgjigje:
Sadakatul fitri jipet ditën e Fitër Bajramit para namazit, kjo është më e mira.
Lejohet të jipet sadakul fitri para Fitër Bajramit një apo dy ditë, por nëse nuk e jep sakadul fitrin deri pas namazit të Fitër Bajramit ai ka bërë mëkat.
Më e mira është të jipet para namazit, por nëse e jep një apo dy ditë para Fitër Bajramit, një gjë e tillë lejohet.
Kurse, sa i përket asaj se:
A lejohet të jipet sadakatul fitri në para?
Themi se një gjë e tillë nuk lejohet (duhet të jipet në ushqim).
Fjala yte:
A ka ndonjë medh’heb që e lejon dhënien e sadakatul fitrit në para?
Themi se po ka, ai është medh’hebi i Ebu Hanifes, medh’heb i cili lejon që sadakatul fitri të jipet në para, por dije vëlla i nderuar se ne jemi të urdhêruar ta pasojmë sunetin e Pejgamberit të Allahut, Muhamedit,- salallahu alejhi ue selem!,- e nuk urdhërohemi ta pasojmë Ebu Hanifen, Shafiun, Ahmedin apo Malikun.
Mbaje mirë mend këtë rregull:
Nëse sqarohet suneti apo duket i qartë, ne obligohemi të kapemi për sunetit, mu për këtë arsyet tre imamët tjerë: (Imam Ahmedi, Shafiu dhe Maliku) nuk nuk mendojnë se lejohet të jipet sadakatul fitri në para, por patjetër të jipet në ushqim.
Shejh Abdullah el Humejdi, rahimehullah.
Nga arabishtja: Suad Shabani
