Pyetje:
A lejohet (pasi të kryej umren ose haxhin) të marrë me vete (në vendim tim) ujë zemzem.
Si dhe, pirja e ujit zemzem në vendim tim a e ka vlerën e prijes së tij sikur në Meke apo jo?
Apo është i kufizuar bereqeti i ujit zemzem vetëm në Meke!?
Përgjigje:
Po lejohet marrja e ujit zemzem me vete në vendin tënd.
Dhe uji zemzem qëndron në vlerën e tij dhe bereqetin e tij edhe në vendin tënd.
Transmetohet se Aisheja, radijAllahu anha, ka marrë me vete ujë zemzem prej Mekes në Medine, këtë e vepronin dhe shokët e Muhamedit alejhi selam, radijAllahu anhum.
(Tirmidhiu: 963, Hakimi: 1/485, Ebu Ja’la ne Musnedin e tij: 4683).
Që argumenton se vlera e zemzemit qëndron me të kudo që shkon, nuk është i kufizuar bereqeti i tij vetëm me Mekën.
Dmth, vlera dhe bereqeti i tij qëndron edhe nëse bartet në vendet tjera jashta Mekës.
” Uji zemzem është shërues.”
(Taberani në Mu’xhemul Eusat: 3912 dhe në Mu’xhemuz Sagir: 1/106, dhe Bezari në Musnedin e tij: 3929).
” Uji zemzem është(shërues, ilaç) për atë që e pi.”
(Ahmedi: 14849, Ibn Maxhe: 3062, Taberani në Mu’xhemul Eusat: 849, 3815 dhe 9027. Ibn Ebi Shejbe: 7/453 dhe Ibn Adij në el Kamil: 4/136).
Dhe nëse pi ujë zemzem lutu në këtë mënyrë:
” O Allahu im! Kërkoj nga ti dituri të dobishme, furnizim (rizk) të gjërë dhe shërim prej çdo sëmundje.”
(Taberani: 2783, Hakimi në Mustedrekun e tij: 1/473).
Pra, bereqeti i zemzemit qëndron në vetveten e tij edhe vendet tjera, e jo vetëm në Meke.
Shejh Abdullah el Humejd, rahimehullah.
Nga arabishtja: Suad Shabani
