Pyetje :
Disa haxhilerë e kanë bindjen se patjetër duhet të vizitohet varri i Pejgamberit alejhi selam pas kryerjes së haxhit, sa qëndron dhe a është kjo bindje sipas sheriatit islam?
Përgjigje:
Kjo bindje aspak nuk ka bazë në Islam.
Transmetohen disa hadithe të trilluara dhe të shpifura në lidhje me këto gjëra, si psh;
“Kush e kryen haxhin dhe nuk më viziton mua (varrin tim) veçse më ka nënçmuar e refuzuar.”
(Hadithi është meudu (i trilluar-shpifur), shënon Darekutni në sunenin e tij: 162).
Gjithashtu, hadithi tjetër i trilluar:
“Kush e kryen haxhin dhe pastaj e viziton varrin tim pas vdekjes sime, është njêsoj sikur të më ket vizituar dhe shoqëruar gjatë jetë sime sa isha gjallë.”
(Hadithi është meudu (i trilluar), shënon Darkutni ne sunenin e tij: 192, në mu’xhemul Kebir: 13497, në Mu’xhemul Eusat: 3376, në Shuabul Iman: 4154, dhe Imam Bejhekiu në Sunenul Kubra: 10045).
Këto dy hadithe nuk janë fjalë të pejgamberit alejhi selam, por janë të trilluara.
Ka ardh në dy sahihat (Buhari dhe Muslim) se Pejgamberi alejhi selam ka thënë:
“Të udhëtuarit me qëllim të vizitës (me qëllim fetar) nuk duhet të bëhet askund tjetër përveç në tri xhamitë: Mesxhidul Harami (Qabeja), Mesxhidul Aksa (në Palestinë) dhe në Xhaminë time (në Medine).”
(Shënuan: Buhariu: 1132, Muslimi: 1397).
Pëlqehet që njeriu të synoj që përmes shkuarjes në haxh, të falë namaz edhe në xhaminē e pejgamberit alejhi selam në Medine.
Pejgamberi alejhi selam, ka thënë:
“Namazi në këtë xhami (në xhaminë e Pejgamberit alejhi selam në Medine) është më me vlerë se njëmijë namaze se sa në xhamit tjera, përpos Qabes (Mesxhdil haramit në Meke).”
(Shënuan: Buhariu dhe Muslimi).
Kurse, nëse vjen e falet në xhaminë e pejgamberit alejhi selam, atëherë e viziton edhe varrin e pejgamberit dhe shokëve të tij (Omerit dhe Ebu Bekrit).
Prej risive (bidateve) të shëmtuara është edhe prekja e varrit (duke synuar bereqet) të Pejgamberit alejhi selam.
Imam Ahmedi, Allahu e mëshiroftë!,- ka thënë:
“Ulemaja selefit nuk e preknin varrin e Pejgamberit alejhi selam, gjatë vizitës që ia bënin.”
Prej bidateve, gjithashtu është edhe bërja duave nga njerëzit për veten e tyre në drejtim të varrit apo tek varri i Muhamedit alejhi selam.
Muhamedi, alejhi selam, ka thënë:
“Kush vepron një vepër e cila nuk ka bazë (tek Kurani dhe Suneti), ajo vepër është e refuzuar.”
(Shënuan: Buhariu në sahihun e tij: 1132 dhe Muslim në sahihun e tij: 1399).
Shejh Hamed Ibn Abdullah Ibn Abdulaziz el Hamed.
Nga arabishtja: Suad Shabani
