- Filloje ditën tënde me namazin e sabahut, që ta arrish shpëtimin dhe suksesin.
- Mos e ndal duanë, sepse ajo është litari i shpëtimit.
- Rikujtoje se fjalët e tua i shënojnë melaqet.
- Ji optimist, edhe nëse gjendesh në gjendjen më të vështirë.
- Bleje me të hollat e tua lutjen e ndonjë fukaraje dhe dashurinë e të mjerëve.
- Kujdes nga lutja e atij që i bëhet padrejtësi.
- Bëhu sebep për qëndrueshmërinë e familjes sate.
- Rrobat e tua të vjetra, të reja janë te të varfrit.
- Mos u zemëro, jeta është më e shkurtër sesa ti e paramendon.
- Mos e mbyll derën e përgjigjes me mëkate.
- Namazi është që më së shumti të ndihmon gjatë sprovave dhe belave.
- Largoju paragjykimeve të liga, qetësohesh dhe rehatohesh.
- Shkaku i çdo brenge është largimi prej Allahut, për këtë arsye ik drejt Tij.
- I privuar është ai që është privuar nga namazi me përulësi dhe nga syri që loton.
- Bëje dashurinë që e tëra të jetë për Allahun dhe të Dërguarin e Tij, lavdërimi dhe paqja e Allahut qofshin për të.
- Falja atij që të përgojoi, sepse ai të dhuroi shumë mirësi.
- Bëje traditë që Kurani të qëndrojë te koka jote, se leximi i një ajeti është më i mirë se krejt dynjaja dhe çka ka në të.
- Jeta është e bukur dhe më e bukur bëhet, kur ti e jeton atë me iman. Nga arabishtja: Irfan JAHIU
